កីឡា

លោក អាំង សិរីពិសិដ្ឋ វគ្គផ្ដាច់ព្រ័ត្រតេជោលីគនេះលើសពីការគាំទ្រក្រុមនិមួយៗ

បានផុស

៣ នាទី មុន

នៅ

ថ្ងៃចន្ទ ៦ កក្កដា ២០២៦

ដោយ

អគ្គលេខាធិការសហព័ន្ធកីឡាបាល់ទះកម្ពុជា ថាក្នុងវគ្គផ្ដាច់ព្រ័ត្រនេះគឺសន្ទុះនៃអ្នកគាំទ្រមានច្រើនរហូតគ្មានកន្លែងអង្គុយនោះទេដែលនេះបញ្ជាក់ពីទឹកចិត្តស្រឡាញ់វិស័យកីឡាមួយនេះលើសពីការគាំទ្រក្រុមៗរៀងខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពអ្នកគាំទ្រ

លោក អាំង សិរីពិសិដ្ឋ បានឲ្យដឹងថា ថ្ងៃផ្ដាច់ព្រ័ត្រតេជោលីគកន្លងទៅនេះគឺមានអ្នកគាំទ្រច្រើនតាំងតែពីគូប្រកួតដំបូងដណ្ដើមលេខ៣ មកម្ល៉េះ។ បើទោះជាបញ្ចប់ការប្រកួតនៅដំបូងនោះក៏ដោយ ប៉ុន្តែអ្នកគាំទ្រមិនបានចាក់ចេញពីទីលាននោះឡើយ និងបន្តទស្សនាវគ្គផ្ដាច់ព្រ័ត្រតទៅទៀត។

ការគាំទ្រនេះបានបញ្ជាក់ថាសន្ទុះនៃការស្រឡាញ់កីឡាបាល់ទះនៅកម្ពុជាគឺមានខ្លាំងលើសពីការគាំទ្រក្រុមនិមួយៗទៅទៀត។ ពោលបើទោះជាគូណាប៉ះគ្នាក៏ដោយអ្នកមកទស្សនាគាំទ្រនៅតែឆ្លៀតមកជានិច្ចដែលបានធ្វើឲ្យវិស័យកីឡាបាល់ទះមួយនេះកាន់តែរីកចម្រើន។

ទិដ្ឋភាពអ្នកគាំទ្រ

បញ្ជាក់ដែរថា កាលពីរសៀលថ្ងៃទី៣ ខែកក្ដដា ឆ្នាំ២០២៦ ក្នុងវគ្គផ្ដាច់ព្រ័ត្រតេជោលីគ រដូវកាលទី៣ នៅទីលានប្រកួតក្នុងវិមានពហុកីឡដ្ឋានមានអ្នកចូលទស្សនាច្រើនមែនទែនចន្លោះ ៧០០០-៨០០០នាក់ឯណោះទាំងនៅខាងក្នុងផ្ទាល់ និងនៅមុខផ្ទាំង LED ។ បញ្ចប់រដូវកាលទី៣ នេះម្ចាស់ពានបានលើបញ្ជាការដ្ឋានអង្គរក្ស លេខ២ បានលើវិសាខា និងលេខ៣ បានលើស្នងការខេត្តស្វាយរៀង៕