ព័ត៌មានជាតិ

មេឃភ្លៀងលាយឡំនិងខ្យល់កន្ត្រាក់ បណ្ដាលឱ្យផ្ទះប្រជាពលរដ្ឋប្រមាណ៦ខ្នង រលំដួលដល់ដី នៅឃុំថ្មី ស្រុកកំពង់រោទិ៍

បានផុស

៥ years មុន

នៅ

ថ្ងៃពុធ ៥ ឧសភា ២០២១

ដោយ

ស្វាយរៀង ៖ ផ្ទះប្រជាពលរដ្ឋប្រមាណចំនួន៦ខ្នង បានដួលរលំរាបដល់ដី ខណៈពេលដែលមានភ្លៀងធ្លាក់គួបផ្សំនិងខ្យល់កន្ត្រាក់បោកបក់ខ្លាំងៗ បណ្តាលឲ្យដួលរលំផ្ទះពលរដ្ឋ ហេតុការណ៍គ្រោះធម្មជាតិខាងលើនេះ បានកើតឡើងកាលពីវេលាម៉ោង៥ល្ងាច ថ្ងៃទី៥ ខែឧសភាឆ្នាំ ២០២១ ស្ថិតនៅឃុំថ្មី ស្រុកកំពង់រោទិ៍ ខេត្តស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពព័ត៌មាន នៅកន្លែងកើតហេតុបានឲ្យដឹងថា មានផ្ទះប្រជាពលរដ្ឋប្រមាណជា៦ខ្នង បានដួលរលំរាបដល់ដីប៉ើងខ្ទេចខ្ទី ស្ថិតនៅភូមិកោះត្រាច ឃុំថ្មី ស្រុកកំពង់រោទិ៍ ហើយដោយឡែកផ្ទះប្រជាពលរដ្ឋផ្សេងទៀត ស្ថិតនៅភូមិជប់ព្រីង ឃុំថ្មី ស្រុកកំពង់រោទិ៍ ក៏បានរងការខូចខាតប៉ុន្តែមិនទាន់ដឹងខ្នងប៉ុន្មាននោះដែរ។

ប្រភពខាងលើបានបន្តឲ្យដឹងទៀតថា គេមិនទាន់ដឹងចំនួនពិតប្រាកដ នៃផ្ទះប្រជាពលរដ្ឋដែលបានរងការខូចខាត និងមានមនុស្សរងគ្រោះថ្នាក់ប៉ុន្មាននាក់នោះទេ ដោយសារតែស្ថានភាពមេឃងងឹត ក្រៅពីរងផលប៉ះពាល់ ដោយសារខ្យល់កន្ត្រាក់នាល្ងាចថ្ងៃដដែលនេះ ចរន្តអគ្គិសនីនៅក្នុងឃុំថ្មបានដាច់រលត់ទាំងស្រុង។