ព័ត៌មានជាតិ

មេខ្យល់២នាក់ លួចនាំពលករ២៥នាក់ទៅធ្វើការនៅថៃ ត្រូវកម្លាំងចំរុះឃាត់ខ្លួន

បានផុស

៤ years មុន

នៅ

ថ្ងៃចន្ទ ១០ ឧសភា ២០២១

ដោយ

បន្ទាយមានជ័យ ៖ មេខ្យល់២នាក់លួចនាំពលករប្រុសស្រី ក្នុងនោះក៏មានក្មេង២៥នាក់ទៅប្រទេសថៃធ្វើការត្រូវបានកម្លាំងចំរុះឃាត់ខ្លួន នៅយប់ ថ្ងៃទី១០ ខែឧសភា ឆ្នាំ២០២១ត្រង់ភូមិសាស្ត្រ អូរព្រំដែន ឃុំបឹងបេង ស្រុកម៉ាឡៃ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការឃាត់ខ្លះមេខ្យល់លួចដឹកពលករនោះ លោកវរសេនីយ៍ឯក រឹទ្ធ រ៉ម មេបញ្ជាការរង តំបន់ប្រតិបត្តិការសឹករងបន្ទាយមានជ័យ សហការជាមួយកម្លាំងនគរបាលការពារព្រំដែនគោក ៨១៥ និងកងរាជអាវុធហត្ថស្រុកចុះល្បាតក្នុងភូមិសស្ត្រអូរព្រំដែនដើម្បីទប់ស្កាត់ពលករលួចឆ្លងដែនខុសច្បាប់ និងទប់ស្កាត់ការឆ្លងរាលដាល នៃជំងឺកូវីដ-១៩ លុះនៅវេលាម៉ោង ១និង៣០នាទីយប់បានប្រទះឃើញមេខ្យល់ ចំនួន ២នាក់ បម្រុងនាំពលករ២៥នាក់ឆ្លងដែនចេញទៅប្រទេសថៃត្រូវបានកម្លាំងកងរាជអាវុធហត្ថធ្វើការឃាត់ខ្លួនបានទាំងអស់។

លោកវរសេនីយ៍ឯក រឹទ្ធ រ៉ម បានប្រាប់អ្នកយកព័ត៌មានឲ្យដឹងថា មេខ្យល់ដែលត្រូវបានចាប់ខ្លួន១មានឈ្មោះ ដឹប នុន ភេទប្រុស អាយុ៥២ឆ្នាំ រស់នៅភូមិចំបក់ ឃុំបឹងបេង ស្រុកម៉ាឡៃ ខេត្តបន្ទាយមានជ័យ ២មានឈ្មោះ ម៉ៃ សៃហុន ភេទប្រុស អាយុ២១ឆ្នាំ រស់នៅ ភូមិភ្នំរូង ឃុំបឹងបេង ស្រុកម៉ាឡៃ ពួកគេទាំង២នាក់កំពុងត្រូវបានឃុំខ្លួន ដើម្បីសួរចម្លើយនៅស្នាក់ការកងរាជអាវុធហត្ថស្រុកម៉ាឡៃ ចំណែកឯពលករទាំង ២៥នាក់ក្នុងនោះមានស្រី១៧ ក្មេង២នាក់ត្រូវបានកម្លាំងចំរុះបញ្ជូនទៅធ្វើចត្តាឡីស័កចំនួន១៤ថ្ងៃ នៅមណ្ឌលចត្តាឡីស័កស្រុកម៉ាឡៃ ខេត្តបន្ទាយមានជ័យ អស់ហើយផងដែរ៕

ដោយ ៖ វ៉ាន់ ណាង