កូវីដ-១៩
ប្រទេសមួយ បំផ្លាញវ៉ាក់សាំង AstraZeneca ផុតកំណត់ជិត២ម៉ឺនដូស ដែលជាជំនួយរបស់ WHO
អាជ្ញាធរសុខាភិបាលរបស់ប្រទេសម៉ាឡាវី បានបំផ្លាញវ៉ាក់សាំង AstraZeneca ផុតកំណត់ចំនួន១៩,៦១០ដូស ដោយបញ្ជាក់ថា ការធ្វើបែបនេះនឹងពង្រឹងទំនុកចិត្តរបស់សាធារណជន នៅក្នុងកម្មវិធីចាក់វ៉ាក់សាំងរបស់ខ្លួន។
រដ្ឋមន្រ្តីក្រសួងសុខាភិបាលលោកស្រី Khumbize Kandodo Chiponda បានដុតកម្ទេចវ៉ាក់សាំងទាំងនេះនៅក្នុងឡ កាលពីថ្ងៃពុធនៅឯមន្ទីរពេទ្យ Kamuzu Central ក្នុងរដ្ឋធានី Lilongwe។
លោកស្រីនិយាយថា “យើងកំពុងបំផ្លាញវ៉ាក់សាំងទាំងនេះ ពីព្រោះរដ្ឋាភិបាលគ្មានគោលនយោបាយ ប្រើប្រាស់ទំនិញដែលផុតកំណត់នោះទេ។ តាំងពីដើមមក ក្រោមកម្មវិធីចាក់ថ្នាំបង្ការរបស់ប្រទេសម៉ាឡាវី មិនមានវ៉ាក់សាំងផុតកំណត់ណាមួយត្រូវបានប្រើប្រាស់ឡើយ”។
វ៉ាក់សាំងទាំងនេះ គឺជាផ្នែកមួយនៃជំនួយ ១០២,០០០ដូស ដែលបានទៅដល់កាលពីថ្ងៃទី២៦ខែមីនា ក្រោមគំនិតផ្តួចផ្តើមរបស់សហភាពអាហ្វ្រិក (AU) និងអង្គការសុខភាពពិភពលោក (WHO)។ វ៉ាក់សាំងបានផុតកំណត់នៅថ្ងៃទី១៣ខែមេសា។
កាលពីខែមុន WHO បានជំរុញឲ្យបណ្តាប្រជាជាតិអាហ្វ្រិក កុំបំផ្លាញវ៉ាក់សាំង AstraZeneca ដែលផុតសុពលភាព បន្ទាប់ពីប្រទេសមួយចំនួនទទួលបានថ្នាំបង្ការពីឥណ្ឌា។ ប៉ុន្តែនៅសប្តាហ៍នេះ WHO បានផ្លាស់ប្តូរជំហររបស់ខ្លួន ហើយនិយាយថា វ៉ាក់សាំងគួរតែត្រូវបានបំផ្លាញចោល។
ស្របពេលជាមួយគ្នានោះ ប្រទេសស៊ូដង់ខាងត្បូង ក៏បានទុកចោលវ៉ាក់សាំងចំនួន ៥៩,០០០ដូសដែលផ្គត់ផ្គង់ដោយ AU ផងដែរ ហើយមិនបានប្រើប្រាស់វាទេដោយសារតែបញ្ហាផុតកំណត់ដូចគ្នានេះ៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ FDA អាមេរិក បន្ថែមពេលស្តុកវ៉ាក់សាំង Pfizer-BioNTech ក្នុងទូទឹកកកពី ៥ ថ្ងៃទៅមួយខែ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ