ព័ត៌មានជាតិ
ភ្នំពេញកើនឡើងអ្នកឆ្លង ៥ ថ្ងៃជាប់គ្នា តំបន់មួយចំនួនចាប់ផ្តើមបិទខ្ទប់ឡើងវិញ
សញ្ញាណនៃការហក់ឡើងវិញអ្នកឆ្លងកូវីដនៅទីក្រុងភ្នំពេញប៉ុន្មានថ្ងៃជាប់គ្នា បង្កក្តីព្រួយបារម្ភជាថ្មី។ តួលេខអ្នកឆ្លងបានបន្តកើនឡើង ៥ ថ្ងៃជាប់គ្នា។ កាលពីម្សិលមិញនេះ រាជធានីភ្នំពេញកត់ត្រាចំនួនអ្នកឆ្លងថ្មី ២៦០ នាក់ ជាតួលេខខ្ពស់បំផុត។
ការផ្ទុះតាមបណ្តារោងចក្រដែលមានកម្មកររាប់ពាន់នាក់ អាចធ្វើឲ្យការរាលដាលមានទំហំធំ និងពិបាកគ្រប់គ្រង។ កាលពីយប់ថ្ងៃទី២៤ ខែឧសភា អាជ្ញាធរបានបិទខ្ទប់គោលដៅចំនួន ១៤ នៅម្តុំផ្សារព្រៃទា សង្កាត់ចោមចៅ៣ ខណ្ឌពោធិ៍សែនជ័យ ដោយសារមានកម្មករប្រមាណជាង១០០នាក់ក្នុងរោងចក្រ H7 ឆ្លងជំងឺកូវីដ១៩ ហើយពាក់ព័ន្ធមនុស្សជាច្រើនទៀត។
អាជ្ញាធរបានហាមឃាត់មិនឱ្យប្រជាពលរដ្ឋនៅក្នុងភូមិសាស្ត្រខាងលើធ្វើដំណើរចេញចូល និងមិនអនុញ្ញាតឱ្យប្រជាពលរដ្ឋនៅខាងក្រៅធ្វើដំណើរចូលក្នុងតំបន់នោះដែរ ដើម្បីទប់ស្កាត់កុំឱ្យមានការឆ្លងរីករាលដាលទៅតំបន់ផ្សេងទៀត។
លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល ប្រធានគណ:កម្មការចំពោះកិច្ចចាក់វ៉ាក់សាំងកូវីដ-១៩ និងជាអ្នកនាំពាក្យក្រសួងសុខាភិបាលក្រើនរំលឹកដល់គ្រប់គ្នា ត្រូវតែអនុវត្តរស់នៅតាមបែបគន្លងថ្មីមួយ ក្នុងការការពារការចម្លងវីរុសកូវីដ-១៩ ប្រសិនបើមិនចង់ឱ្យមានការបើក និងបិទខ្ទប់ ចុះឡើងៗវិញនោះ។
លោកជំទាវបានថ្លែងថា បន្ទាប់ពីជួបប្រទះការបិទខ្ទប់រួចមក គ្រប់គ្នាចង់ត្រឡប់ទៅជីវិតធម្មតាវិញ ប៉ុន្តែវីរុសកូវីដ-១៩ កំពុងតែចរាចរយ៉ាងទូលំទូលាយនៅក្នុងប្រទេស។
លោកជំទាវបានព្រមានថា មេរោគដែលសម្លាប់មនុស្សមិនរើសមុខនេះ ប្រសិនបើបុគ្គលម្នាក់ៗប្រញាប់ប្រញាល់ធ្វើសកម្មភាពប្រចាំថ្ងៃ ការបើកប្រកបរបររកស៊ីទទួលទានឡើងវិញតាមធម្មតា ដូចកាលពីមុនដែលមិនទាន់មានរោគរាតត្បាត ដោយមិនបានត្រៀមលក្ខណ:ការពារការចម្លងជំងឺកូវីដ-១៩ ឱ្យបានត្រឹមត្រូវទុកជាមុនទេនោះ មិនយូរមិនឆាប់នឹងនាំការវិលត្រឡប់នៃការឆ្លងរាតត្បាត និងការបិទខ្ទប់នៅថ្ងៃណាមួយឡើងវិញជាមិនខានឡើយ៕
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%