ជីវិតកម្សាន្ដ

លោក សុះ ម៉ាច បង្ហាញមុខកូនប្រុសដែលអាចស្នងតំណែងសិល្ប:

បានផុស

៥ years មុន

នៅ

ថ្ងៃអាទិត្យ ៦ មិថុនា ២០២១

ដោយ

តារាចម្រៀងលោក សុះ ម៉ាច ថ្មីៗបានធ្វើឲ្យមហាជនចាប់អារម្មណ៍គ្រប់គ្នាបន្ទាប់ពីលោកបង្ហាញមុខកូនប្រុសតូចហើយប្រាប់ថា អាចជាអ្នកស្នងតំណែងពីលោកនៅពេលអនាគត់។

អ្នកសិល្ប:ជើងចាស់ដែលរក្សាបានប្រជាប្រិយភាព និងការគាំទ្រច្រើនលោក សុះ ម៉ាច ក៏បានបញ្ជាក់ដោយច្បាស់ៗថា មូលហេតុដែលលោកហ៊ាននិយាយបែបនេះ ក៏ព្រោះតែកូនប្រុសរបស់លោករូបនេះ មានដុងសិល្ប:ពីកំណើតដែលអាចស្នងវិស័យនេះបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុះ ម៉ាច បានលើកឡើងថា “ប្រហែលជាគាត់ម្នាក់នេះហើយ ដែលជាអ្នកស្នងមរតកចម្រៀងពីខ្ញុំ ព្រោះគាត់ចូលចិត្តក្បាលមីក្រូ ស្តាប់ចម្រៀងមរតកដើមទាំងចម្រៀងលោកតារបស់គាត់ សុះ ម៉ាត់ ,ចម្រៀងលោកតា ស៊ីន ស៊ីសាមុត និងចម្រៀងរបស់ខ្ញុំរួមទាំងចម្រៀងឥណ្ឌាផងដែរ។

តារាចម្រៀងប្រុសលោក សុះ ម៉ាច បាននិយាយទៀតថាបើតាមការកត់សម្គាល់កូនប្រុស-ស្រីច្បងៗរបស់លោក គឺពួកគេចូលចិត្តតែបទបរទេសប៉ុណ្ណោះ។ ដូច្នេះហើយទើបលោកយល់ថា កូនប្រុសរូបនេះ អាចស្នងតំណែងលោក និងជីតាបាននៅថ្ងៃអនាគត់៕

អត្ថបទ ៖ ចាន់រ៉ា