ព័ត៌មានជាតិ
អង្គការ APOPOប្រើប្រាស់សត្វកណ្តុរសម្រាប់ប្រតិបត្តិការបោសសម្អាតមីន និងគ្រាប់មិនទាន់ផ្ទុះនៅកម្ពុជា
អង្គការ APOPO ដែលជាអង្គការមិនមែនរដ្ឋាភិបាល ប៊ែលហ្ស៉ិក បាននឹងកំពុងប្រើប្រាស់កណ្តុរ ដើម្បីបម្រើឲ្យប្រតិបត្តិការបោសសម្អាតមីន និងគ្រាប់មិនទាន់ផ្ទុះ នៅកម្ពុជា។
លោក ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយកស៊ីម៉ាក់ឱ្យបានដឹងនៅថ្ងៃទី៧ខែមិថុនានេះថា «លោក Michael Heimanប្រធានអង្គការAPOPOប្រចាំតំបន់ និងនៅកម្ពុជា បានជួបពិភាក្សាការងារ លើកិច្ចសហប្រតិបតិ្តការវាងកម្លាំងស៊ីម៉ាក់ និងអង្គការAPOPOក្នុងការអនុវត្តបច្ចេកទេសបោសសំអាតមីនដោយសត្វកណ្តុរ ការស្រាវជ្រាវបច្ចេកទេសដោយសុនខ និងការជាវសុនខស៊ីម៉ាក់ យកទៅប្រតិបតិ្តការនៅក្រៅប្រទេស។
លោក ហេង រតនា បានបន្តថា បច្ចុប្បន្ននេះ អង្គការAPOPOកំពុងប្រើប្រាស់កណ្តុរចំនួន៥៧ក្បាល សម្រាប់បម្រើប្រតិបត្តិការបោសសម្អាតមីន ដែលក្នុងនោះកំពុងប្រតិបតិ្តការចំនួន៣៤ក្បាល ដាក់ចូលនិវត្តន៍ចំនួន៥ក្បាល និងកំពុងហ្វឹកហ្វឺនចំនួន១៨ក្បាល។
លោក Michael Heiman ប្រធានអង្គការ APOPO ប្រចាំកម្ពុជាធ្លាប់បានបញ្ជាក់ថា កណ្តុរហិតមីននេះវាមានភាពវ័យឆ្លាតពីធម្មជាតិក្នុងការហិតក្លិនដោយកណ្តុរហិតមីនមួយអាចធ្វើប្រតិបត្តិការហិតស្វែងរកមីនក្នុងទំហំដី៤០០ម៉ែត្រការ៉េ ក្នុងរយៈពេលត្រឹមតែមួយថ្ងៃប៉ុណ្ណោះខណៈប្រើឧបករណ៍បោសសំអាតមីនវិញ ប្រើពេលរហូតដល់ទៅ៦ថ្ងៃឯណោះ។
ជាងនេះទៀតសត្វកណ្តុររាវរកមីននេះ គឺជាសត្វកណ្តុរដែលមានសមត្ថភាពខ្ពស់ក្នុងការហិតរាវរកគ្រាប់មីន និងគ្រាប់មិនទាន់ផ្ទុះបានរហ័សជាងឧបករណ៍រាវមីនធម្មតារ ហូតដល់៣ដងដែលនឹងជួយរំដោះផ្ទៃដីមានគ្រាប់មីននិងគ្រាប់មិនទាន់ផ្ទុះបានច្រើន និងមានប្រសិទ្ធភាពជាងមុន។
លោកបានបញ្ជាក់ទៀតថា ចាប់តាំងពីឆ្នាំ២០១៥ រហូតមកដល់ពាក់កណ្តាលឆ្នាំ២០២០កន្លងទៅអង្គការAPOPOបានប្រើសត្វកណ្តុរហិតរកគ្រាប់មីនធ្វើការបោសសំអាតមីនលើផ្ទៃដីសរុបជាង១៨លានម៉ែត្រការ៉េ នៅខេត្តសៀមរាប បាត់ដំបង ព្រះវិហារ និងខេត្តឧត្តមានជ័យ និងបានរកឃើញគ្រាប់មីនចំនួន៥៧៥៩គ្រាប់ និងកាកសំណល់ជាតិផ្ទុះចំនួន៤០៩៥៤គ្រាប់។ ក្រៅពីកណ្តុរហិតមីន ស៊ីម៉ាក់ ក៏បានប្រើប្រាស់សុនខ សម្រាប់ប្រតិបត្តិការបោសម្អាតមីនផងដែរ ហើយសុនខ ហិតមីនរបស់កម្ពុជា ក៏បានចេញទៅប្រតិបតិ្តការ នៅក្រៅប្រទេសទៀតផង។
លោក ហេង រតនាបានបន្តថា សុនខដែលបានបញ្ជូនពីអង្គភាពស៊ីម៉ាក់ ទៅបម្រើការនៅប្រទេសស៊ូដង់ខាងត្បូង ប្រទេសអង់ហ្គោឡា និងប្រទេសតួរគីនោះ បានបំពេញប្រតិបតិ្តការយ៉ាងល្អប្រសើរ ហើយខាងអង្គការ APOPOបានស្នើសុំជាវសុនខមួយចំនួនបន្ថែមទៀត ពីស៊ីម៉ាក់ ដើម្បីយកទៅប្រតិបតិ្តការនៅប្រទេសមួយចំនួនផ្សេងទៀត។
លោក Michael Heiman បានបញ្ជាក់ពីលទ្ធភាពទទួលជំនួយពីប្រទេសប៊ែលហ្សិក ក្នុងការគាំទ្រកិច្ចប្រតិបតិ្តការរបស់អង្គភាពស៊ីម៉ាក់ ក្នុងរយ:ពេល៥ឆ្នាំ (២០២២-២០២៦) ហើយគោលដៅសំខាន់របស់គម្រោងត្រូវបន្តអនុវត្តនៅទិសខេត្តព្រះវិហារ ជាពិសេសតំបន់ប្រាសាទព្រះវិហារ។
គួរបញ្ជាក់ថា កណ្តុរ Magawa ដែលទទួលពានជើងឯកនៅប្រទេសអង់គ្លេសនោះ បានដាក់ឱ្យចូលនិវត្តន៍ ដោយបញ្ហាអាយុ និងសុខភាព ហើយ Magawaរក្សាទុកឱ្យសម្រាកនៅទីតាំងស៊ីម៉ាក់ ខេត្តសៀមរាប។ ចំណែកកណ្តុរថ្មីបានធ្វើតេស្តជាប់ និងអាចចូលជំនួសកណ្តុរ Magawaបានហើយ៕
អត្ថបទ ៖ សំអឿន
ស្ទឹងសៀមរាបមិនមែនកើតពីធម្មជាតិ ឆ្លងកាត់ការជីកដោយមនុស្សជំនាន់អាណាចក្រខ្មែរ
ឆន ស្រីណេត ផ្តាំអ្នកវែកញែកមិនឃើញតម្លៃការខិតខំថ្នាក់ដឹកនាំថា “គួររួបរួមសាមគ្គីគ្នាទៅល្អជាង”
លោកជំទាវស្ត្រីទី១៖ជាគ្រូពេទ្យទាមទារទំនួលខុសត្រូវខ្ពស់ ប្រឈមជំងឺបាក់ទឹកចិត្តខ្លាំង ហើយបញ្ហានេះអាចធ្វើឱ្យគ្រូពេទ្យសម្លាប់ខ្លួនបាន
ច្រកព្រំដែនអានសេះ បើកដំណើរការធម្មតា អាជ្ញាធរអំពាវនាវពលរដ្ឋ កុំជឿតាមការផ្សាយរបស់សារព័ត៌មានបរទេសមួយចំនួន
លោក នេត្រ ភក្ត្រា ៖ កុមារា កុមារី ជាទំពាំងស្នងឫស្សីសម្រាប់ជាតិ និងជាអ្នកបន្តវេនដ៏មានសក្ដានុពល
សមត្ថកិច្ចខណ្ឌទួលគោក ស្រាវជ្រាវឃាត់ខ្លួនជនសង្ស័យ ១ នាក់ បើកទូរ៉ឺម៉កពលរដ្ឋលួចទឹកដោះគោ នៅកណ្ដាលផ្លូវ
ច្រកព្រំដែនអានសេះ បើកដំណើរការធម្មតា អាជ្ញាធរអំពាវនាវពលរដ្ឋ កុំជឿតាមការផ្សាយរបស់សារព័ត៌មានបរទេសមួយចំនួន
លោកជំទាវ ពេជ ចន្ទមុន្នី៖ ពេលកូនឈឺ ម្ដាយឳពុកភ័យណាស់ ទោះពេទ្យនៅឆ្ងាយ យប់ជ្រៅប៉ុណ្ណា ក៏បញ្ជូនទៅដែរ ព្រោះជីវិតកូន ជាទ្រព្យមិនអាចកាត់ថ្លៃបានឡើយ
លោកជំទាវស្ត្រីទី១៖ជាគ្រូពេទ្យទាមទារទំនួលខុសត្រូវខ្ពស់ ប្រឈមជំងឺបាក់ទឹកចិត្តខ្លាំង ហើយបញ្ហានេះអាចធ្វើឱ្យគ្រូពេទ្យសម្លាប់ខ្លួនបាន
សមាជិក ប.ស.ស ទទួលបានសេវាបង្ការសុខភាពចំនួន ៦ ពីមូលដ្ឋានសុខាភិបាលសាធារណៈជាដៃគូ ប.ស.ស
-
ព័ត៌មានជាតិ៣ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
សន្តិសុខសង្គម១ សប្តាហ៍ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
ព័ត៌មានជាតិ៦ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
នយោបាយ១ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
សន្តិសុខសង្គម១ សប្តាហ៍ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ៣ ថ្ងៃ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ១ ថ្ងៃ agoនាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
ព័ត៌មានជាតិ៤ ថ្ងៃ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ