ព័ត៌មានជាតិ

អភិបាលខេត្តកំពង់ចាមដាក់ចេញផែនការទប់ស្កាត់ជំងឺកូវីដ-១៩ នៅស្រុកស្រីសន្ធរ

បានផុស

៥ years មុន

នៅ

ថ្ងៃអង្គារ ១៥ មិថុនា ២០២១

ដោយ

លោកអភិបាលខេត្តកំពង់ចាមបានដាក់ចេញនូវផែនការមួយចំនួនដល់អាជ្ញាធរឃុំព្រៃរំដេង ស្រុកស្រីសន្ធរ ដើម្បីកាត់ផ្តាច់ការចម្លងជំងឺនេះ កុំឱ្យឆ្លងរាលដាលជាបន្តទៀត ខណៈអាជ្ញាធរបានបិទខ្ទប់ផ្ទះ ៤៥ខ្នង និងផ្សារចំនួន២រួចមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ បានណែនាំដល់អាជ្ញាធរមូលដ្ឋាន និងមន្ត្រីពាក់ព័ន្ធត្រូវរៀបចំចងខ្សែហ៊ុមព័ទ្ធឲ្យបានត្រឹមត្រូវ តាមខ្នងផ្ទះដែលត្រូវបិទខ្ទប់ ហើយត្រូវបន្តការស្រាវជ្រាវរកអ្នកដែលបានប៉ះពាល់ផ្ទាល់ និងប្រយោលជាមួយអ្នកជំងឺកូវីដ-១៩ ដើម្បីធ្វើការពិនិត្យសំណាក និងបញ្ជូនពួកគាត់ទៅព្យាបាលឲ្យទាន់ពេលវេលា។

ជាមួយគ្នានេះដែរ លោកអភិបាលខេត្ត ក៏បានដាក់ចេញនូវផែនការចំពោះការបិទខ្ទប់ផ្ទះ ត្រូវមានការអនុវត្តឲ្យបានត្រឹមត្រូវតាមសេចក្តីណែនាំរបស់រដ្ឋបាលខេត្ត ក៏ដូចជាសេចក្តីណែនាំរបស់រាជរដ្ឋាភិបាល ដោយឡែក ត្រូវការផ្អាកអាជីវកម្មគ្រប់ប្រភេទនៅផ្សារ គឺត្រូវបិទទាំងស្រុងដោយមិនត្រូវអនុញ្ញាតឲ្យមានការលក់ដូរតាមការយល់ឃើញថា អ្នកគ្មានជំងឺ ឬមានជំងឺនោះទេ។

ជាងនេះទៀត លោកអភិបាលខេត្ត ក៏បានធ្វើការណែនាំដល់អាជ្ញាធរមូលដ្ឋាន និងអ្នកពាក់ព័ន្ធទាំងអស់ ត្រូវយកចិត្តទុកដាក់ការអនុវត្តវិធានចត្តាឡីស័ករយៈពេល១៤ថ្ងៃ ដោយស្រាវជ្រាវយកអ្នកដែលសង្ស័យ និងពាក់ព័ន្ធទាំងអស់មកធ្វើចត្តាឡីស័ក ដើម្បីទប់ស្កាត់ការឆ្លងរីករាលនៃជំងឺកូវីដ-១៩ និងកាត់ផ្តាច់ខ្សែចម្លងជំងឺកូវីដ-១៩ពីសហគមន៍ មួយទៅសហគមន៍។

ទន្ទឹមនឹងនេះ លោកអភិបាលខេត្តបានអំពាវនាវដល់បងប្អូនប្រជាពលរដ្ឋ ត្រូវអនុវត្តឱ្យបានខ្ជាប់ខ្លួននូវវិធានការ«៣កុំ ៣ការពារ» និងត្រូវកែប្រែទម្លាប់នៃការរស់នៅ សម្របតាមបរិបទនៃជំងឺកូវីដ-១៩ ដោយត្រូវអនុវត្តយ៉ាងម៉ឺងម៉ាត់នូវវិធានការអនាម័យ តាមការណែនាំរបស់ក្រសួងសុខាភិបាល ប្រកបដោយស្មារតីទទួលខុសត្រូវខ្ពស់ ដើម្បីការពារក្រុមគ្រួសារ និងសហគមន៍ចៀសផុតពីជំងឺមហាប្រល័យនេះ។

គួរបញ្ជាក់ថា គិតត្រឹមថ្ងៃទី១៤ ខែមិថុនាឆ្នាំ២០២១ ខេត្តកំពង់ចាមមានអ្នកឆ្លងជំងឺកូវីដ១៩ចំនួន១២៥២នាក់ ជាសះស្បើយចំនួន៨២៥នាក់ កំពុងសម្រាកពេទ្យចំនួន៤២៤នាក់ និងស្លាប់ចំនួន៣នាក់៕

អត្ថបទ ៖ សំអឿន

Related Topics:រដ្ឋបាលខេត្តកំពង់ចាម

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា