ព័ត៌មានជាតិ
មុខម្ហូបខ្មែរចំនួន៣មុខ ត្រូវបានបង្ហាញនៅក្នុងកម្មវិធីមួយ នាទីក្រុងប៊ូសាន ប្រទេសកូរ៉េ
មុខម្ហូបខ្មែរចំនួន៣មុខ រួមមាន ឆាសាច់គោឡុកឡាក់, ឆាត្រកួនសាច់ជ្រូកចិញ្ច្រាំជាមួយសៀង និងបាយឆាសាច់គោ ត្រូវបានឯកអគ្គរាជទូតកម្ពុជាប្រចាំនៅប្រទេសកូរ៉េ យកទៅបង្ហាញក្នុងកម្មវិធីមួយ ដែលមានឈ្មោះថា “Cooking class show” នាទីក្រុងប៊ូសាន សាធារណរដ្ឋកូរ៉េ ហើយការលើកយកមុខម្ហូបទាំង៣នេះទៅបង្ហាញ ដោយសាតែមុខម្ហូបនេះ គឺស្រដៀងនឹងម្ហូបរបស់កូរ៉េ ដែលជាទីពេញនិយមរបស់សាធារណៈជនកូរ៉េ។
កម្មវិធី Cooking class នេះ រៀបចំឡើងដោយស្ថានឯកអគ្គរាជទូតកម្ពុជា ជាមួយ ASEAN Culture House នៅទីក្រុងប៊ូសាន ដោយមានការចូលរួមពីគ្រប់មជ្ឈដ្ឋានកូរ៉េប្រមាណជាង៣០នាក់ ហើយនឹងត្រូវយកទៅចាក់បង្ហាញតាមស្ថានីយទូរទស្សន៍កូរ៉េជាសាធារណៈទៀតផង។
ទាក់ទងកម្មវិធីខាងលើនេះ លោក ឡុង ឌីម៉ង់ ឯកអគ្គរាជទូតនៃព្រះរាជាណាចក្រកម្ពុជាប្រចាំនៅសាធារណរដ្ឋកូរ៉េបានថ្លែងប្រាប់កម្ពុជាថ្មីថា កម្មវិធីនេះបានប្រព្រឹត្តទៅកាលពីថ្ងៃទី១២ ខែមិថុនា ឆ្នាំ២០២១ នៅទីក្រុងប៊ូសាន ហើយកម្មវិធីនេះ មានរយៈពេល២ថ្ងៃ ដោយមានអ្នកចូលរួមយ៉ាងច្រើន។
លោក ឡុង ឌីម៉ង់ បានពន្យល់ថា មូលហេតុដែលយើងលើកយកមុខម្ហូបទាំងនេះទៅបង្ហាញ ពីព្រោះទាំងសាច់គោឆាឡុកឡាក់ ទាំងបាយឆាសាច់គោ ទាំងឆាត្រកួនសាច់ជ្រូកចិញ្ច្រាំដាក់សៀងនេះ ជាមុខម្ហូបដែលស្រដៀងទៅនឹងមុខម្ហូបកូរ៉េមួយចំនួន ដោយសាតែកម្មវិធីនោះ គេតម្រូវឲ្យយកមុខម្ហូបរបស់ខ្មែរយើងណាមួយ ដែលស្រដៀងស្រដៀងទៅនឹងមុខម្ហូបរបស់កូរ៉េ ហើយមុខម្ហូបទាំងបីមុខនេះ គឺជាមុខម្ហូបជាទីពេញនិយមរបស់ប្រជាជនកូរ៉េ ដូច្នេះហើយទើបយើងជ្រើសរើសយកមុខម្ហូបទាំងបីមុខនេះ៕
អត្ថបទ ៖ កោះកែវ
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៦ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ