ព័ត៌មានជាតិ

កម្ពុជាមានអ្នកឆ្លងជំងឺកូវីដកើនឡើងដល់ជិត៦ម៉ឺននាក់ និងស្លាប់៨៥៥នាក់

បានផុស

៥ years មុន

នៅ

ថ្ងៃសុក្រ ៩ កក្កដា ២០២១

ដោយ

រហូតមកដល់ថ្ងៃទី០៩ ខែកក្កដា ឆ្នាំ២០២១នេះ កម្ពុជាមានអ្នកឆ្លងជំងឺកូវីដ១៩កើនឡើងជិត៦ម៉ឺននាក់ និងស្លាប់ជាង៨៥៥នាក់។

ប្រទេសកម្ពុជាបានឆ្លងជំងឺកូវីដ១៩ ជាលើកដំបូងនៅថ្ងៃទី២៧ ខែមករា ឆ្នាំ២០២០ ទៅលើបុរសជនជាតិចិន១នាក់ នៅខេត្តព្រះសីហនុ។ ប៉ុន្តែមិនមានអ្នកស្លាប់ ហើយក៏មិនមានឆ្លងជំងឺនេះច្រើនដែរ។បន្ទាប់មកទៀតកម្ពុជាបានឆ្លងក្នុងសហគមន៍ចំនួន៣លើកក្នុងនោះទី១.ព្រឹត្តិការណ៍សហគមន៍៣វិច្ឆិកាឆ្នាំ២០២០។ ទី២.ព្រឹត្តិការណ៍សហគមន៍២៨វិច្ឆិកាឆ្នាំ២០២០ និងទី៣ព្រឹត្តិការណ៍សហគមន៍២០កុម្ភៈ ទើបមានអ្នកស្លាប់ជាបន្តបន្ទាប់ហើយដែលរហូតមកដល់ពេលនេះ នៅមិនទាន់បានបិទបញ្ចប់នៅឡើយទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រសួងសុខាភិបាលបានឱ្យដឹងថា ថ្ងៃនេះក្រសួងបានរកឃើញអ្នកឆ្លងថ្មីចំនួន៩៨៨នាក់ទៀតក្នុងនោះករណីឆ្លងសហគមន៍៧៨៩ អ្នកដំណើរមកពីបរទេស១៩៩នាក់ អ្នកជាសះស្បើយ៨៩៧នាក់ និងស្លាប់ចំនួន៣០នាក់។

លោកស្រី ឱ វណ្ណឌីន រដ្ឋលេខាធិការនិងអ្នកនាំពាក្យក្រសួងសុខាភិបាលបានលើកឡើងថា បច្ចុប្បន្ននេះជំងឺកូវីដ១៩នៅកម្ពុជាឈានដល់បន្ទាយក្រហមហើយបើកាលណាលើសពីបន្ទាត់ក្រហមនោះ មន្ទីរពេទ្យកន្លែងព្យាបាលលើសពីសមត្ថភាពរបស់យើងដោយសារអ្នកជំងឺច្រើន អត់មានកន្លែងដាក់ ហើយស្លាប់ក៏ច្រើន ហើយបងប្អូនក៏ពិបាករកទទួលទាន ហើយត្រូវបិទតំបន់មួយចំនួនម្តងទៀតហើយ ។

លោកស្រីបានបញ្ជាក់ថា ដើម្បីទប់ស្កាត់កុំឱ្យវិរុសកូវីដ១៩ឆ្លងតទៅទៀត និងប៉ះពាល់ដល់សេដ្ឋកិច្ចគ្រួសារ ប៉ះពាល់ដល់សេដ្ឋកិច្ចជាតិ និងជាពិសេសប៉ះពាល់ដល់សុខភាព ពលរដ្ឋទាំងអស់គ្នាត្រូវរួមគ្នាខិតខំទប់ស្កាត់ទាំងអស់គ្នា ពិសេសអនុវត្តវិធានការ៣ការពារ ដូចជា ពាក់ម៉ាស ឧស្សាហ៍អនាម័យលាងដៃ និងរក្សាគម្លាតសុវត្តិភាពសង្គមនិងបុគ្គល និង៣កុំ រួមមានកុំទៅទីកន្លែងដែលមានមនុស្សកកកុញច្រើនកុំទៅកន្លែងដែលបិទជិតមិនមានខ្យល់ចេញចូល និងកុំប៉ះពាល់គ្នាឬចាប់ដៃគ្នាឡើយ។

គួរបញ្ជាក់ថា គិតត្រឹមព្រឹកថ្ងៃទី០៩ ខែកក្កដា ឆ្នាំ២០២១ កម្ពុជាមានអ្នកឆ្លងជំងឺកូវីដ១៩សរុប៥៩០៤៥នាក់ អ្នកជាសះស្បើយចំនួន៥០៩១៧នាក់និង អ្នកស្លាប់ចំនួន៨៥៥នាក់៕

អត្ថបទ ៖ សំអឿន

Related Topics: