បិទបញ្ចប់ការចាក់វ៉ាក់សាំងក្រុងសិរីសោភ័ណមុនពេលកំណត់ ត្រឹម៤ថ្ងៃក្នុងគម្រោង១៤ថ្ងៃ

ខេត្តបន្ទាយមានជ័យ៖ ការចាក់វ៉ាក់សាំងជូនប្រជាពលរដ្ឋក្រុង សិរីសោភណ្ឌ បិទបញ្ចប់មុនពេលកំណត់ ក្នុងរយៈពេល​៤ថ្ងៃនៃគម្រោង១៥ថ្ងៃ។ ទីតាំងយុទ្ធនាការលើកទី២ ចាក់វ៉ាក់សាំងជូនពលរដ្ឋនៅក្រុងសិរីសោភ័ណ ខេត្តបន្ទាយមានជ័យ​បានកើនដល់៨កន្លែង។ ហើយបានបិទចំនួន៦ទីតាំង នៅល្ងាចថ្ងៃទី១៣ ខែកក្កដា ឆ្នាំ២០២១នេះ ដោយទុកតែ២ទីតាំងនៅក្នុងបញ្ជាការដ្ឋានតំបន់ប្រតិបត្តិការសឹករងខេត្ត ក្នុងភូមិអូរអំបិល សង្កាត់អូរអំបិល ឱ្យដំណើរការចុងក្រោយ១ព្រឹកថ្ងៃទី១៤ ខែកក្កដា នេះទៀត។

លោកឧត្តមសេនីយ៍ត្រី ជឹម ប៊ុនអាន មេបញ្ជការតំបន់ប្រតិបត្តិការសឹករងខេត្តបន្ទាយមានជ័យ បានប្រាប់ឱ្យដឹងថា
ព្រឹកថ្ងៃ១៤ ខែកក្កដា ឆ្នាំ២០២១នេះ យុទ្ធនាការចាក់វ៉ាក់សាំងលើកតី២ ជូននពលរដ្ឋក្រុងសិរីសោភ័ណដែលផ្តើមធ្វើពីថ្ងៃទី១០ ខែកក្កដា មកមានគម្រោងចាក់វ៉ាក់សាំងមានរយៈពេល១៤ថ្ងៃចាក់ជូនពលរដ្ឋឱ្យបាន៥៤,០០០នាក់។ ប៉ុន្តែឥឡូវនេះ ពលរដ្ឋបានមកចាក់ស្ទើរអស់ទៅហើយក្នុងរយៈពេលតែ៣ថ្ងៃប៉ុណ្ណោះ។ ដូច្នេះ យោធភូមិភាគទី៥ និងរដ្ឋបាលខេត្តបន្ទាយមានជ័យត្រូវបិទបញ្ចប់ការចាក់វ៉ាក់សាំងនេះមុនពេលកំណត់ ហើយបានរើទៅដាក់ទីតាំងចាក់វ៉ាក់សាំងនៅស្រុកមង្គលបូរី ស្រុកព្រះនេត្រព្រះ និងស្រុកម៉ាឡៃបន្តទៀត។

លោក ហឹុល រ៉ាយ៉ា អភិបាលក្រុងសិរីសោភ័ណ បានប្រាប់ឱ្យដឹងថា រយៈពេល ៤ ថ្ងៃនេះ ក្រុមការងារគ្រូពេទ្យយោធភូមិភាគទី៥ សហការនឹងរដ្ឋបាលខេត្ត ក្រុង កងកម្លាំងទាហាន កងរាជអាវុធហត្ថ នគរបាល អាជ្ញាធរគ្រប់លំដាប់ថ្នាក់ សម្រេចបានការចាក់វ៉ាក់សាំងជូនប្រជាពលរដ្ឋចំនួន ៥៤,០០០ នាក់ ទូទាំងក្រុងសិរីសោភ័ណ។ ហើយទីតាំង២នៃកន្លែងតែ១នៅបញ្ជាការដ្ឋានតំបន់ប្រតិបត្តិការសឹករងខេត្តនឹងដំណើរការ១ព្រឹកចុងក្រោយ សម្រាប់ចាក់វ៉ាក់សាំងដល់ពលរដ្ឋសេសសល់ពី២ទៅ៣ពាន់នាក់។

ការចាក់វ៉ាក់សាំងជូនប្រជាពលរដ្ឋបានលឿនដូច្នេះមកពីក្រុមការងារគ្រប់ផ្នែក និងពលរដ្ឋមកទទួលការចាក់វ៉ាក់សាំងសហការគ្នា បំពេញការងារបានរលូនល្អ៕

អត្ថបទ៖ វ៉ាន់ ណាង