ព័ត៌មានអន្ដរជាតិ

នេះចំនួនប្រាក់ដែលទីក្រុងហូជីមិញផ្តល់ឲ្យពិធីបុណ្យសពកូវីដម្នាក់ៗ

បានផុស

៥ years មុន

នៅ

ថ្ងៃចន្ទ ៩ សីហា ២០២១

ដោយ

ពិធីបុណ្យសពទាំងអស់នៃអ្នកដែលបានស្លាប់ដោយកូវីដ-១៩នៅទីក្រុងហូជីមិញនឹងទទួលបានប្រាក់ឧបត្ថម្ភលើការចំណាយពីរដ្ឋ។

លោក Nguyen Toan Thang អគ្គនាយកនៃអគ្គនាយកដ្ឋានធនធានធម្មជាតិ និងបរិស្ថានក្រុងបាននិយាយថា អ្នកស្លាប់ដោយកូវីដ-១៩ម្នាក់ៗនឹងទទួលបានជំនួយហិរញ្ញវត្ថុចំនួន៧៣៩ដុល្លារអាមេរិកពីសាលាក្រុងហូជីមិញសម្រាប់រៀបចំពិធីបុណ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានឲ្យដឹងថា ចំនួនទឹកប្រាក់នេះគិតទាំងតម្លៃដឹកជញ្ជូន ការបូជា និងបញ្ជូនធាតុទៅក្រុមគ្រួសាររបស់អ្នកស្លាប់។ សាលាក្រុងនឹងរៀបចំពិធីបុណ្យសពប្រកបដោយសុវត្ថិភាព និងសមរម្យបំផុត។

មន្ទីរសុខាភិបាលក្រុងទទួល និងផ្ទេរជំនួយទៅកាន់មន្ទីរពេទ្យដែលរាយការណ៍ពីករណីស្លាប់ដោយកូវីដ-១៩។ ក្រុមគ្រួសារនៃអ្នកស្លាប់តាមផ្ទះអាចទទទួលបានជំនួយតាមរយៈលិខិតបញ្ជាក់មរណភាពដែលចេញពីអាជ្ញាធរមូលដ្ឋាន។

រយៈពីរខែចុងក្រោយនេះ ទីក្រុងហូជីមិញបានក្លាយជាមណ្ឌលនៃការផ្ទុះឆ្លងកូវីដ-១៩ធ្ងន់ធ្ងរជាងគេបំផុតនៅក្នុងប្រទេសវៀតណាមដែលជិត ១២០ ០០០នាក់ចាប់តាំងពីចុងខែមេសាមក។ អាជ្ញាធរបាននិយាយថា ករណីស្លាប់មានចំនួន ២៥០៩នាក់គិតត្រឹមថ្ងៃសៅរ៍កន្លងទៅ ខណៈចំនួនស្លាប់ទូទាំងប្រទេសមាន ៣២១៥នាក់៕

ប្រែសម្រួល៖ វីរបុត្រ
ប្រភព៖ vnexpress