ព័ត៌មានជាតិ

អាជ្ញាធរចុះបិទទីតាំងអន្តេវាសិកដ្ឋានបរទេស២អគារក្រោយរកឃើញនិស្សិតវិជ្ជមានកូវីដ-១៩ចំនួន១៧នាក់

បានផុស

៤ years មុន

នៅ

ថ្ងៃសុក្រ ១៣ សីហា ២០២១

ដោយ

ទីតាំងអន្តេវាសិកដ្ឋានបរទេស ដែលមានទីតាំងស្ថិតនៅក្នុងសង្កាត់ទឹកល្អក់ទី១ ខណ្ឌទួលគោក ត្រូវបានក្រុមការងារប្រចាំការរបស់រដ្ឋបាលសង្កាត់បានចុះបិទ ចំនួន២អគារ ក្រោយពីបានរកឃើញនិស្សិតស្នាក់នៅទីនោះ រកឃើញមាន វិជ្ជមានកូវីដ-១៩ចំនួន១៧នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីរដ្ឋបាលសង្កាត់ទឹកល្អក់១ បានឱ្យដឹងថា នៅយប់ថ្ងៃទី១២ ខែសីហា ឆ្នាំ២០២១ វេលាម៉ោង៩យប់ ក្រុមការងារប្រចាំការរបស់រដ្ឋបាលសង្កាត់បានចុះបិទទីតាំងអន្តេវាសិកដ្ឋានបរទេសចំនួន២អគារ ដែលមាន១១បន្ទប់ ក្នុងនោះមានអគារ D ជាន់ទី២ ចំនួន ៩ បន្ទប់ និស្សិតស្នាក់នៅ១៣ នាក់។

អគារមួយទៀតគឺអគារ៧ជាន់ ផ្នែកខាងមុខ ជាន់ទី២ ចំនួន១បន្ទប់ មានអ្នកស្នាក់នៅ ចំនួន៣នាក់ស្រី ៣នាក់ (វិជ្ជមាន១នាក់ ស្រី១នាក់) និងជាន់ទី៣ ចំនួន១បន្ទប់ មានអ្នកស្នាក់នៅ២នាក់ ប្រុស២នាក់ វិជ្ជមាន។

បច្ចុប្បន្ន ទីតាំងអន្តេវាសិកដ្ឋានបរទេសចំនួន២អគារខាងលើ ត្រូវបានអាជ្ញាធរបិទខ្ទប់ហើយ ដើម្បីកុំឱ្យឆ្លងរីករាលដាលទៅដល់អ្នកផ្សេងទៀត៕