ភ្នំពេញការចាក់វ៉ាក់សាំង​ ដូស​ទី៣ សម្រាប់​ថ្នាក់ដឹកនាំ មន្ត្រីរាជការ និងមន្ត្រីសុខាភិបាលជួរមុខ ចាប់ផ្ដើមថ្ងៃស្អែក

អនុគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងរាជធានីភ្នំពេញ នឹងដំណើរការចាក់វ៉ាក់សាំងអាស្ដ្រាហ្សេនីកា ដូសជំរុញ ឬដូសទី៣ ជូនដល់ថ្នាក់ដឹកនាំ មន្ត្រីរាជការ មន្ត្រីសុខាភិបាល និងបុគ្គលិកនៃរដ្ឋបាលរាជធានីភ្នំពេញ រដ្ឋបាលខណ្ឌទាំង១៤ រដ្ឋបាលសង្កាត់ទាំង១០៥ មន្ទីរអង្គភាពជំនាញជុំវិញរដ្ឋបាលរាជធានីភ្នំពេញ ព្រមទាំងមន្ត្រីសុខាភិបាលជួរមុខវិស័យឯកជន នៅរាជធានីភ្នំពេញ ចាប់ពីថ្ងៃទី១៨ ខែសីហា ឆ្នាំ២០២១ នេះតទៅ។

សេចក្តីជូនដំណឹងរបស់រដ្ឋបាលរាជធានីភ្នំពេញ ប្រាប់ឱ្យថ្នាក់ដឹកនាំ មន្ត្រីរាជការ មន្ត្រី សុខាភិបាល និងបុគ្គលិកនៃរដ្ឋបាលរាជធានីភ្នំពេញ រដ្ឋបាលខណ្ឌទាំង១៤ រដ្ឋបាលសង្កាត់ទាំង១០៥ មន្ទីរ-អង្គភាព ជំនាញជុំវិញរដ្ឋបាលរាជធានីភ្នំពេញ ព្រមទាំងមន្ត្រីសុខាភិបាលជួរមុខវិស័យឯកជន នៅរាជធានីភ្នំពេញ ដែលបានចាក់វ៉ាក់សាំងទាំងពីរ ដូសរួចរាល់ហើយ និងគ្រប់លក្ខណ្ឌ នៃការចាក់​សូមទៅទទួលវ៉ាក់សាំង ដូសទី៣ ឬដូសជំរុញ៕ ដោយ៖ ស្រីរ័ត្ន