ព័ត៌មានជាតិ

ក្រសួងកសិកម្ម កំពុងខិតខំពង្រីកបើកទីផ្សារ ជាមួយគណៈកម្មាធិការសេដ្ឋកិច្ចអឺរុប-អាស៊ី

បានផុស

៥ years មុន

នៅ

ថ្ងៃព្រហស្បតិ៍ ១៩ សីហា ២០២១

ដោយ

លោក ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់និងនេសាទបានឲ្យដឹងថា នាព្រឹកថ្ងៃទី១៩ សីហា ឆ្នាំ២០២១ លោកទទួលបានការអនុញ្ញាតពីលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ បានចូលរួមកិច្ចប្រជុំអន្តរក្រសួង ដឹកនាំដោយក្រសួងពាណិជ្ជកម្ម ដើម្បីបញ្ចូលធាតុចូល ក្នុងកិច្ចរៀបចំសេចក្តីថ្លែងការណ៍រួម រវាងព្រះរាជាណាចក្រកម្ពុជា ជាមួយគណៈកម្មាធិការសេដ្ឋកិច្ចអឺរ៉ុប-អាស៊ី ដើម្បីពង្រឹងកិច្ចសហប្រតិបត្តិការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក ហ៊ាន វណ្ណហន នៅក្នុងកិច្ចប្រជុំនោះ លោកបានស្នើសុំបញ្ចូល ទី១, បង្កើតអនុស្សារណៈនៃការយោគយល់គ្នា ក្នុងកិច្ចសហប្រតិបត្តិការ TBT ( របាំងបច្ចេកទេសចំពោះពាណិជ្ជកម្ម) និង SPS (អនាម័យ និងភូតគាមអនាម័យ) រវាងក្រសួងកសិកម្ម រុក្ខាប្រមាញ់ និងនេសាទ ជាមួយគណៈកម្មាធិការសេដ្ឋកិច្ចអឺរុប-អាស៊ី។ ទី២, បង្ហាញជូនគណៈកម្មាធិការសេដ្ឋកិច្ចអឺរ៉ុប-អាស៊ីនូវ ប្រភេទ និងបរិមាណផលិតផលកសិកម្ម រាប់ទាំងកៅស៊ូធម្មជាតិ ដែលមានសក្តានុពលក្នុងការកែច្នៃ និងនាំចេញ និងក្រុមហ៊ុនធំៗ ដែលកំពុងធ្វើការនាំចេញកសិផលនៅកម្ពុជា។

លោក ហ៊ាន វណ្ណហន បានឲ្យដឹងដែរថា កិច្ចប្រជុំរវាងកម្ពុជា ជាមួយគណៈកម្មាធិការសេដ្ឋកិច្ចអឺរ៉ុប-អាស៊ី ដើម្បីសម្រេចលើសេចក្តីថ្លែងការណ៍រួមនេះ នឹងប្រព្រឹត្តិទៅនៅថ្ងៃទី៧-៨ ខែកញ្ញា ឆ្នាំ២០២១ ខាងមុខ៕

អត្ថបទ៖ កោះកែវ

Related Topics:ក្រសួងកសិកម្ម រុក្ខាប្រមាញ់ និងនេសាទ