ព័ត៌មានជាតិ
សវនាការសំណុំរឿងរួមគំនិតក្បត់ នឹងបន្ត នៅដើមឆ្នាំ២០២១
ដូចការគ្រោងទុក នៅព្រឹកថ្ងៃទី២៦ ខែវិច្ឆិកា ឆ្នាំ២២០ នេះ សាលាដំបូងរាជធានីភ្នំពេញ បានបើកសវនាការលើសំណុំរឿងទណ្ឌិត សម រង្ស៊ី អតីតមេដឹកនាំ និងសកម្មជន នៃអតីតគណបក្សសង្គ្រោះជាតិជាង១០០នាក់ ដែលជាប់ ពាក់ព័ន្ធទៅនឹងសំណងរឿង ឧបឃាត, រួមគំនិតក្បត់ និងញុះញង់ឲ្យប្រព្រឹត្តបទឧក្រិដ្ឋជាអាទិ៍ តាមមាត្រា៤៥១ នៃក្រមព្រហ្មទណ្ឌ ពាក់ព័ន្ធការប៉ុនប៉ងធ្វើរដ្ឋប្រហារផ្ដួលរំលំរាជរដ្ឋាភិបាលស្របច្បាប់ ក្រោមឧបាយកលជាផែនការ នៃការវិលត្រឡប់ចូលប្រទេសកម្ពុជា អំឡុងព្រឹត្តិការណ៍០៩ វិច្ឆិកា ២០១៩។
សមាសភាពចៅក្រមជំនុំជម្រះនៅ ក្នុងសវនាការនាព្រឹកថ្ងៃទី២៦ ខែវិច្ឆិកា ឆ្នាំ២០២០ នេះរួមមាន លោករស់ ពិសិដ្ឋ ប្រធានក្រុមប្រឹក្សាជំនុំជម្រះ លោក កើត សាំង ចៅក្រមប្រឹក្សាជំនុំជម្រះ លោក អ៊ឹម វណ្ណៈ ចៅក្រមប្រឹក្សាជំនុំជម្រះ តែសវនាការនេះ ក្រុមប្រឹក្សាជំនុំជម្រះមិនទាន់សម្រេចយ៉ាងណាទេ ដោយលើកពេលទៅបន្តសវនាការនៅដើមឆ្នាំក្រោយ។
លោក គុជ គឹមឡុង អ្នកនាំពាក្យសាលាដំបូងរាជធានីភ្នំពេញ បានថ្លែងប្រាប់អ្នកសារព័ត៌មាន ក្រោយផ្អាកសវនាការថា នៅក្នុងសវនាការនៅព្រឹកនេះ មាន៤សំណុំរឿង ប៉ុន្តែក្រុមប្រឹក្សាជំនុំជម្រះបានសម្រេចបញ្ចូលជាពីរសំណុំ រឿង ដោយទី១ គ្រោងនឹងបន្តសវនាការ នៅព្រឹកថ្ងៃទី១៤ ខែមករា ឆ្នាំ២០២១ និងទី២ នឹងបន្តសវនាការ នៅថ្ងៃទី៤ ខែមីនា ឆ្នាំ២០២១។
បើតាមអ្នកនាំពាក្យសាលាដំបូងរាជធានីភ្នំពេញ នៅក្នុងសវនាការនាព្រឹកថ្ងៃទី២៦ ខែវិច្ឆិកានេះ ក្នុងចំណោមជនជាប់ចោទ ទាំងជាង១០០នាក់ ដែលត្រូវបានកោះហៅ គឺមានតែចំនួន៣៤នាក់ប៉ុណ្ណោះ បានចូលនៅក្នុងសវនាការ។
លោកគុជ គឹមឡុង បញ្ជាក់ថា លោក សម រង្ស៊ី និងបក្ខពួកជាង១០០នាក់ ត្រូវបានចោទប្រកាន់ពីបទ “រួមគំនិតក្បត់ ញុះញង់ឲ្យមានភាពវឹកវរធ្ងន់ធ្ងរដល់សន្តិសុខសង្គម និងញុះញង់ឲ្យប្រព្រឹត្តបទឧក្រិដ្ឋជាអាទិ៍” ប្រព្រឹត្តនៅប្រទេសកម្ពុជា និងទីកន្លែងផ្សេងៗទៀត កាលពីថ្ងៃទី២០-២១-២២-២៥-២៦ និងនៅថ្ងៃទី២៧ ខែមករា ឆ្នាំ២០១៩ និងកាលពីអំឡុងខែមិថុនា ឆ្នាំ២០១៩ តាមបញ្ញត្តិមាត្រា ៤៥៣ មាត្រា ៤៩៤ និងមាត្រា ៤៩៥ នៃក្រមព្រហ្មទណ្ឌ នៃព្រះរាជាណាចក្រកម្ពុជា។
លោក ថាច់ សេដ្ឋា អតីតសមាជិក ព្រឹទ្ធសភា នៃអតីតគណបក្សសង្គ្រោះជាតិ និងជាប្រធានសហគមន៍ខ្មែរកម្ពុជាក្រោមបានថ្លែងប្រាប់កម្ពុជាថ្មី ក្រោយចេញពីសវនាការថា នៅក្នុងសវនាការនាព្រឹកនេះ មិនទាន់ដេញដោលដល់អង្គសេចក្ដីនៅឡើយទេ ដោយគ្រាន់តែលើកឡើងពីបញ្ហាពាក់ព័ន្ធមួយចំនួនប៉ុណ្ណោះ ហើយត្រូវបានក្រុមប្រឹក្សាជំនុំជម្រះ សម្រេចលើកពេលសវនាការទៅថ្ងៃក្រោយ ហើយក្រុមរបស់លោក នឹងបន្តសវនាការនៅខែមីនា ឆ្នាំ២០២១៕
អត្ថបទ ៖ កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ