ជីវិតកម្សាន្ដ

ដឹងទេ? ថ្ងៃនេះខួបកំណើត៨៨ឆ្នាំរបស់អធិរាជសំឡេងមាសលោកតា ស៊ីន ស៊ីសាមុត

បានផុស

៥ years មុន

នៅ

ថ្ងៃចន្ទ ២៣ សីហា ២០២១

ដោយ

ភ្នំពេញ ៖ ពេលរម្លឹកដល់ឈ្មោះតារាចម្រៀងជើងចាស់ដ៏ល្បីល្បាញលោកតា ស៊ីន ស៊ីសាមុត មហាជនពិតជានៅស្គាល់និងចងចាំបានយ៉ាងច្បាស់ទោះបីជាលោកបានចែកឋានទៅហើយក្តី ប៉ុន្តែអ្វីដែលមិនអាចបំភ្លេចបាននោះគឺកេរ្តិ៍ឈ្មោះនិងទឹក ដមសំនៀងដ៏ផ្អែមពីរោះតែម្តង។

តារាចម្រៀងលោកតា ស៊ីន ស៊ីសាមុត គឺជាអ្នកនិពន្ធបទចម្រៀង និង អ្នកចម្រៀងខ្មែរដ៏ល្បីល្បាញនាអំឡុងទសវត្ស ៥០ ដល់ ៧០។ គាត់មានរហស្សនាមថា អធិរាជសំឡេងមាស។ យ៉ាងណាមិញថ្ងៃនេះក៏ត្រូវបានគេដឹងថា ជាថ្ងៃគម្រប់ខួបកំណើត៨៨ឆ្នាំ របស់លោកតា ស៊ីន ស៊ីសាមុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានៃការរម្លឹកដល់ថ្ងៃកំណើតរបស់លោកតា ស៊ិន ស៊ីសាមុត នេះដែរគេឃើញមានទស្សនិកជននិងអ្នកគាំទ្រជាច្រើនបានបង្ហោះភ្ជាប់រូបភាពអបដោយសំណេរនឹករលឹកដល់អធិរាជសំឡេងមាសលោកតា ស៊ិន ស៊ីសាមុត ផងដែរ។

តួយ៉ាងនៅលើគណនីហ្វេសប៊ុករបស់អ្នកនិពន្ធវ័យ ក្មេង ស៊ូ ដាណេ បានសរសេរថា ជាថ្ងៃខួបកំណើតអធិរាជសំឡេងមាស ស៊ីន ស៊ីសាមុត (២៣ សីហា ១៩៣៣ )រូបកាយឃ្លាតបាត់តែសំឡេងនៅរស់ជានិច្ចក្នុងសង្គមបច្ចុប្បន្ន។ សូមសំឡេងរបស់លោកនៅតែបន្តរស់រានមានជីវិតជារៀងដ៏រាបនៅក្នុងសោតិន្ទ្រិយមនុស្សលោក បើទោះជាមានការកែច្នៃ បំភ្លៃយ៉ាងណាក៏ដោយ។

សូមជម្រាបដែរថា លោកតា ស៊ីន ស៊ីសាមុត ត្រូវបានក្រុមខ្មែរក្រហមសម្លាប់គាត់នៅថ្ងៃទី១៨ខែ ឧសភាឆ្នាំ១៩៧៦។ លោកតា ស៊ិន ស៊ីសាមុត ជាវរជនតែមួយគត់ដែលបានបន្សល់ទុកនូវកេរ្តិ៍ឈ្មោះដ៏ល្អសម្រាប់ជាតិខ្មែរនៅសតវត្សទី២០។ វិស័យសិល្បៈសម្លេងចម្រៀងសមជាអធិរាជសម្លេងមាស ស្ថិតដក់ជាប់ក្នុងអារម្មណ៍អ្នកចម្រៀងខ្មែរក្រោយៗមក៕

ដោយ ៖ ចាន់រ៉ា

Related Topics:សិល្បៈ លោកតា ស៊ី ស៊ីសាមុត

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា