ថៃ ជាប់ក្នុងបញ្ជីក្រហម នៃការធ្វើដំណើរ របស់អង់គ្លេស

នៅថ្ងៃចន្ទសប្តាហ៍ក្រោយ រដ្ឋាភិបាលអង់គ្លេស នឹងបន្ថែមប្រទេសថៃនិងម៉ុងតេណេក្រូ ចូលទៅក្នុង “បញ្ជីក្រហម” នៃការធ្វើដំណើររបស់ខ្លួន ដោយជនបរទេសដែលមកពីប្រទេសទាំងនេះ ត្រូវបានហាមឃាត់មិនឲ្យធ្វើដំណើរទៅកាន់អង់គ្លេស ហើយជនជាតិអង់គ្លេសដែលវិលចូលប្រទេសវិញ ត្រូវតម្រូវឲ្យធ្វើចត្តាឡីស័ក។

ក្រសួងដឹកជញ្ជូនបាននិយាយថា “ប្រទេសថៃនិងម៉ុងតេណេក្រូ នឹងត្រូវដាក់បញ្ចូលទៅក្នុងបញ្ជីក្រហម ចាប់ពីម៉ោង ៤ ទៀបភ្លឺនៅថ្ងៃចន្ទទី ៣០ ខែសីហាឆ្នាំ ២០២១ ទៅដោយសារតែ ការកើនឡើងនៃករណីឆ្លងវីរុសកូវីដ-១៩ នៅក្នុងប្រទេសទាំងនោះ”។

ជនជាតិអង់គ្លេសនិងអៀរឡង់ និងអ្នកដែលរស់នៅក្នុងចក្រភពអង់គ្លេស ត្រូវបានអនុញ្ញាតឲ្យធ្វើដំណើរមកពីប្រទេសដែលមានឈ្មោះនៅក្នុងបញ្ជីក្រហម ប៉ុន្តែត្រូវធ្វើចត្តាឡីស័កក្នុងសណ្ឋាគាររយៈពេល ១០ ថ្ងៃ នៅពេលមកដល់។

ប្រទេសថៃ ត្រូវផ្លាស់ប្តូរទៅដាក់ក្នុងបញ្ជីក្រហមវិញ ដោយសារតែកម្រិតនៃការចាក់វ៉ាក់សាំងទាប ធ្វើឲ្យប្រទេសអាស៊ីមួយនេះ ងាយរងគ្រោះទៅនឹងវីរុសបំប្លែងខ្លួន Delta។

ស្របពេលជាមួយគ្នានោះដែរ រដ្ឋាភិបាលបានបន្ថែមប្រទេសស្វីស ដាណឺម៉ាកនិងកាណាដាទៅក្នុងបញ្ជីបៃតង៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ករណីឆ្លងកូវីដនៅ ឥណ្ឌា កំពុងហក់ឡើងវិញ ក្រោយប្រជាជនប្រមូលផ្ដុំគ្នាប្រារព្ធពិធីបុណ្យច្រូតកាត់