ជីវិតកម្សាន្ដ

ទោះសិល្បៈកំពុងរលូនក្តី តែសុខ វិច្ចរា មិនបោះបង់ការសិក្សាឡើយ

បានផុស

៥ years មុន

នៅ

ថ្ងៃពុធ ៨ កញ្ញា ២០២១

ដោយ

តារាស្រីកញ្ញា សុខ វិច្ចរា កំពុងនឹកស្ដាយពេលវេលាដែលកន្លងមកនាងបានបោះបង់ឱកាសការងារសិល្បៈជាច្រើនដូចជាសម្ដែងរឿងភាគ និងសម្ដែងតាមកម្មវិធីសិល្បៈនានាព្រោះតែជាប់រវល់ការសិក្សាធំជាង។

ក្នុងស្ថានភាពបែបនេះ នាងមិនសូវបានចូលប្រឡូកក្នុងពិភពសិល្បៈដូចជាតារាឯទៀតនោះទេ ទោះជាយ៉ាងណាក្តី បច្ចុប្បន្ននេះ នាងចង់ចូលរួមការងារសិល្បៈដើម្បីសាងកេរ្តិ៍ឈ្មោះទាំងការសម្តែងភាពយន្ត ច្រៀង និងកម្មវិធីកម្សាន្តនានាដូចគេដែរ ចំពោះការផ្ដល់ឱកាសរួមទាំងការងារសិល្បៈទាំងឡាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុខ វិច្ចរា ក្នុងនាមជាម្ចាស់ជ័យលាភីលេខ១ ហ្វ្រេសស៊ីហ្គើល១រូប ពេលឃើញហ្វ្រេសស៊ីទាំងស្រីទាំងប្រុសជាច្រើននាក់ល្បីឈ្មោះក្នុងពិភពសិល្បៈ នាងក៏មានចិត្តចង់ធ្វើដូចគេដែរ។ ដូច្នេះហើយនាងបានតាំងចិត្តថា ទោះជាជាប់រវល់ការងារក្រៅសិល្បៈក្តីនាងនឹងឆ្លៀតចូលរួមឱ្យបានក្នុងការចេញសំដែងសិល្បៈ។ នាងមានចំណូលចិត្តទាំងសិល្បៈក្នុងវិស័យភាពយន្តព្រមទាំងចម្រៀងផងដែរ។

ថ្មីៗនេះនាងនិយាយថា កន្លងមកនាងខ្ញុំបានបោះបង់ឪកាសសម្ដែងជាច្រើនទាំងភាពយន្តទាំងសិល្បៈមួយចំនួនទៀតព្រោះតែជាប់រៀន ហើយក៏រវល់ការងារក្រៅទៀតដែរ មានគេទំនាក់ទំនងឲ្យចូលរួមសម្ដែងតែខ្ញុំគិតថា ការងារក្រៅសិល្បៈសំខាន់ជាង គឺដើម្បីជីវភាពរបស់យើង។ ទោះយ៉ាងណាពេលនេះនាងខ្ញុំកំពុងបានឱកាសមកវិញ គឺការសម្តែងភាពយន្តនិងកំពុងធ្វើជាតារាចំរៀងទៀតផង ព្រមទាំងមានការងារសិល្បៈតាមទូរទស្សន៍នានាដែរ។

ថ្វីបើមិនបានចូលរួមក្នុងពិភពសិល្បៈពេញទំហឹងក្តី តែបច្ចុប្បន្ននេះ សុខ វិច្ចរា បានចូលថតស្ពតពាណិជ្ជកម្មមួយចំនួនឱ្យទូរទស្សន៍នានាផងដែរ។

ក្នុងនាមហ្វ្រេសស៊ីហ្គើល ឆ្នាំ2017 ជ័យលាភីលេខ១ សុខ វិច្ចរា មានអាយុ 17 ឆ្នាំក្នុងតំណែងស្រីស្អាតនាងមិនបានចាប់យកជាប់លាប់ទេ ព្រោះតែរវល់សិក្សា ម្ល៉ោះហើយទស្សនិកជនបានស្គាល់នាងពុំសូវទូលំទូលាយទេ ពេលណាមានឱកាសថតសិល្បៈនាងនិងចេញថតឲ្យពេញទំហឹង ដើម្បីឲ្យទស្សនិកជនបានស្គាល់នាង តែពេលនេះនាងកំពុងផ្ដោតលើការសិក្សាសំខាន់ជាង៕

អត្ថបទ៖ រុងរឿង