ព័ត៌មានជាតិ

បើកយុទ្ធនាការចាក់វា៉ក់សាំងដូសជំរុញ កុំភ្លេចយកឯកសារពីរនេះទៅជាមួយ

បានផុស

៥ years មុន

នៅ

ថ្ងៃពុធ ២២ កញ្ញា ២០២១

ដោយ

គណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស (គ.វ.ក-១៩) បានប្រកាសពីការបើកយុទ្ធនាការចាក់វ៉ាក់សាំងកូវីដ-១៩ ដូសជំរុញជូនដល់ក្រុមគោលដៅនៅរាជធានីខេត្តចំនួន ៤ មានរាជធានីភ្នំពេញ ខេត្តកណ្តាល ខេត្តព្រះសីហនុ និងខេត្តកោះកុង។

សេចក្តីជូនដំណឹងរបស់គណៈកម្មការចំពោះកិច្ចចាក់វ៉ាក់សាំងបានបញ្ជាក់ថា ពលរដ្ឋដែលមានអាយុចាប់ពី១៨ឆ្នាំឡើង ហើយកំពុងរស់នៅរាជធានីភ្នំពេញ ខេត្តកណ្តាល ខេត្តព្រះសីហនុ និង ខេត្តកោះកុង ដែលបានចាក់វ៉ាក់សាំងកូដ-១៩ រួច ហើយមានគម្លាតចាប់ពី៤ខែ បន្ទាប់ពីការចាក់វ៉ាក់សាំងដូសទី២ ឬគ្រប់ដូស អាចទៅចាក់វ៉ាក់សាំងនៅតាមមូលដ្ឋានសុខាភិបាលសាធារណៈ ដែលរដ្ឋបាលរាជធានី-ខេត្តទាំង៤ នឹងចេញសេចក្តីជូនព័ត៌មានពីទីតាំងនៃការចាក់វ៉ាក់សាំងចាប់ពីថ្ងៃទី ១១ ខែតុលា ឆ្នាំ២០១១ ជាបន្តបន្ទាប់។

ជាមួយគ្នានេះ ឯកសារត្រូវភ្ជាប់ជាមួយនៅពេលទៅចាក់វ៉ាក់សាំងដូសជំរុញ ចំពោះអ្នកដែលត្រូវចាក់វ៉ាក់សាំងដូសជំរុញ មានដូចខាងក្រោម៖

– ប័ណ្ណចាក់វ៉ាក់សាំងកូវីដ-១៩

– អត្តសញ្ញាណប័ណ្ណសញ្ជាតិខ្មែរ ឬឯកសារដែលប្រើប្រាស់ក្នុងការចុះឈ្មោះចាក់វ៉ាក់សាំងកូវីដ-១៩ ដូសទី១។

បន្ទាប់ពីការបើកយុទ្ធនាការនៅតាមខេត្តគោលដៅកាលបរិច្ឆេទចំនួន ៤ នឹងបន្តបើកយុទ្ធនាការនៅតាមបណ្តាខេត្តគោលដៅផ្សេងទៀតជាបន្តបន្ទាប់ សម្រាប់ប្រជាពលរដ្ឋគោលដៅដែលបានចាក់វ៉ាក់សាំងកូវីដ-១៩ រួច និងមានគម្លាតរយៈពេល ៤ ខែ បន្ទាប់ពីការចាក់វ៉ាក់សាំងកូដ-១៩ ដូសទី២ ឬគ្រប់ដូស។

សូមអានសេចក្តីជូនដំណឹងលម្អិតខេត្តគោលដៅផ្សេងទៀត ដែលនឹងបើកយុទ្ធនការចាក់វ៉ាក់សាំងដូសជំរុញ៖