KPT+

គុណប្រយោជន៍ល្អៗពីការដើរលេង មិនមែនត្រឹមតែកម្សាន្តសប្បាយប៉ុណ្ណោះទេ

បានផុស

៤ years មុន

នៅ

ថ្ងៃសុក្រ ២៤ កញ្ញា ២០២១

ដោយ

Sonya

ហេតុអ្វីយើងចូលចិត្តធ្វើដំណើរកម្សាន្តនាចុងសប្ដាហ៍ ឬឱកាសឈប់សម្រាកផ្សេងៗ? ហេតុផលមិនមែនដើម្បីកម្សាន្តសប្បាយប៉ុណ្ណោះទេ ប៉ុន្តែវាផ្ដល់នូវគុណប្រយោជន៍ជាច្រើនទៀតទាំងផ្នែកផ្លូវកាយ និងផ្លូវចិត្ត។

Asian Friends Women Having Fun In The Street. by Santi Nuñez

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើផ្អែកតាមលទ្ធផលស្រាវជ្រាវជាច្រើន បង្ហាញថា ការដើរលេងអាចជួយឱ្យមនុស្សកាត់បន្ថយស្រ្តេស ការថប់បារម្ភ ជួយព្យាបាលជំងឺបាក់ទឹកចិត្ត បន្ថយហានិភ័យជំងឺបេះដូង និង ជំរុញទឹកចិត្តឱ្យកាន់តែប្រសើរឡើង។

១. ជួយបន្ថយអារម្មណ៍ស្មុគស្មាញ

Some Effective Tips Which No Traveler Should Ignore | Relax And Soak In The Sunset At Little Cayman

សមាគមចិត្តសាស្រ្តអាមេរិក អះអាងថា ដើរលេងលំហែជារឿយៗ ជួយឱ្យផ្លូវចិត្តដែល តានតឹងអាចរសាយបានមួយកម្រិតធំ ព្រមទាំងបន្ថុភាពស្មុគស្មាញជាមួយសកម្មភាព ប្រចាំថ្ងៃមួយចំនួន។ លទ្ធផលស្ទង់មតិពីបុគ្គលិកក្រុមហ៊ុនជាច្រើន បានបង្ហាញសឹងដូចៗគ្នាថា ពួកគេបានធូរស្បើយពីភាពតប់ប្រមល់ ស្ត្រេស ឈឺក្បាល ឈឺខ្នង និងអារម្មណ៍ប្រសើរឡើងវិញ ក្រោយពេលបានដើរលេងវិស្សមកាល។

២. ជួយឱ្យអារម្មណ៍ស្រស់ស្រាយរយៈពេលយូរ

How to attract the Asian traveler - DigiconAsia

ក្រុមអ្នកសិក្សាពីប្រព័ន្ធសរសៃប្រសាទ បានរកឃើញ ពីបម្រែបម្រួលសញ្ញាជាវិជ្ជមានក្នុងខួរក្បាល ក្រោយទទួលបានការសម្រាកលំហែ។ អ័រម៉ូនស្រ្តេស (Cortisol) បានថយចុះ ហើយអារម្មណ៍ស្ងប់សុខក៏កើតមាន ដែលជាសញ្ញាបង្ហាញថា ដំណើរកម្សាន្តជាកត្តាមួយដែលជួយឱ្យរាងកាយ និងអារម្មណ៍បានធូរស្បើយក្នុងរយៈពេលវែង។

៣. ជួយឱ្យផលិតភាពការងារបានខ្ពស់

20 Safest Destinations In Asia For Solo Female Travellers!

ក្រុមហ៊ុនសេវាប្រឹក្សាដ៏ល្បីនៅអង់គ្លេស Ernst & Young បានចែករំលែកពីការស្រាវជ្រាវមួយទៅលើបុគ្គលិករបស់ខ្លួន គឺការប្រើពេលវិស្សមកាលនាំបុគ្គលិកធ្វើដំណើរកម្សាន្ត បានបង្កើនផលិតភាពការងារ ដោយផ្អែកទៅតាមពិន្ទុដែលបានកត់ត្រាក្នុងស្ថិតិ បានកើនឡើង៨ភាគរយបើធៀបនឹងឆ្នាំដែលពុំមានដំណើរកម្សាន្ត។ បន្ថែមពីនោះ អត្រាបុគ្គលិកចេញពីក្រុមហ៊ុនក៏ធ្លាក់ចុះទាប។ ក្រុមអ្នកស្រាវជ្រាវបានបង្ហាញថា ការដើរកម្សាន្តបានជួយបង្កើនផលិតភាពការងារ ហើយពេលមានគុណភាពការងារល្អ អារម្មណ៍សប្បាយចិត្តក៏កើតឡើង ហើយបុគ្គលិកក៏បន្តធ្វើបានល្អ។

៤. ជួយដោះស្រាយបញ្ហាដំណេក

ដើរលេង ជួយឱ្យគេងលក់ស្កប់ស្កល់ អារម្មណ៍មូលល្អ ផ្តោតលើការយកចិត្តទុក ហើយការចងចាំបានប្រសើរឡើង។ ឧស្សាហ៍ដើរលេង ថែមទាំងជួយបង្កភាពស្រស់ស្រាយ ជួយឱ្យអារម្មណ៍បានធូរស្បើយ និងដោះស្រាយបណ្ហាដំណេក ជួយឱ្យគេងលក់ស្រួល។

៥. ស្វែងយល់អ្វីថ្មី និងបង្កើនភាពច្នៃប្រឌិត

Provide advice on asian travelling to avoid problems by Daniel2leong | Fiverr

ដំណើរកម្សាន្តម្ដងៗ មិនថាតិចឬច្រើន យើងមុខតែទទួលបានមេរៀនអ្វីមួយពីវាមិនខាន។ ជាពិសេស ការធ្វើដំណើរកម្សាន្តទីឆ្ងាយៗ ឬកន្លែងមិនធ្លាប់ទៅពីមុន នឹងផ្ដល់នូវការយល់ដឹងថ្មី ស្គាល់មនុស្សថ្មីៗ ក៏ដូចជាទំនៀមទម្លាប់ប្រពៃណីអ្នកស្រុកតាមតំបន់ផងដែរ។ ប្រការនេះមានប្រយោជន៍ខ្លាំងសម្រាប់អ្នកនិពន្ធ អ្នកសរសេរ blog ទេសចរណ៍ និងអ្នកសារព័ត៌មានជាដើម។ មិនតែប៉ុណ្ណោះ ក្រោយធូរស្បើយពីភាពស្មុគស្មាញបន្ទាប់ពីដើរលេង យើងនឹងមានគំនិតភ្លឺថ្លា ជួយបង្កើនភាពច្នៃប្រឌិតក្នុងជីវិត និងការងារថែមទៀត៕

ប្រែសម្រួល៖ សន្យា

ប្រភព៖ GOODWALL

ចុចអាន៖ បង្កើនសុភមង្គលគ្រួសារ នៅពេលមានដំណើរកម្សាន្តជាមួយគ្នា

ចុចអាន៖ ចង់ដើរលេងបានសប្បាយ ឈប់ប្រព្រឹត្តទង្វើទាំង ៥ នេះទៀត

Related Topics:ដើរលេង