ព័ត៌មានជាតិ

មូលនិធិមនុស្សធម៌ ម១៩៨ ទទួលបានថវិកាឧបត្ថម្ភ៤លានរៀលពីសប្បុរសជន

បានផុស

៥ years មុន

នៅ

ថ្ងៃពុធ ២៧ តុលា ២០២១

ដោយ

មូលនិធិមនុស្សធម៌ ម១៩៨ ដែលជាមូលនិធិជួយដល់សង្គមជាតិ និងជួយដល់ប្រជាពលរដ្ឋជួបការខ្វះខាតពិតប្រាកដនៅតាមតំបន់នានា ក្នុងប្រទេសកម្ពុជា ទទួលថវិកាឧបត្ថម្ភចំនួន៤លានរៀលពីសប្បុរជន និងកញ្ញា តេង ដាណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វណ្ណធី សុមុនី ប្រធានមូលនិធិបានថ្លែងថា មូលនិធិមនុស្សធម៌ ម១៩៨ នេះ គឺមានគោលដៅសំខាន់ដើម្បីជួយដល់ប្រជាពលរដ្ឋខ្វះខាត ចាស់ជរា ជនពិការ និងកុមារកំព្រាជាដើម។ ក្នុងនាមលោកជាប្រធានមូលនិធិពិតជាមានចិត្តសប្បាយរីករាយដែលបានប្អូនស្រី តេង ដាណា បរិច្ចាគថវិការចូលរួមចំណែកជាមួយមូលនិធិរបស់លោក។

លោកបន្តថា នេះគឺជាទឹកចិត្តមនុស្សធម៌ដែលមិនអាចកាត់ថ្លៃបានរបស់ប្អូនស្រីដែលបានចូលរួមចំណែកជួយសង្គមតាមរយៈមូលនិធិរបស់លោកដែលកំពុងត្រូវការជំនួយសប្បុរសធម៌ក្នុងគោលបំណងចុះទៅជួយដល់ជាពលរដ្ឋខ្វះខារពិតប្រាកដ។ លោកថា មូលនិធិរបស់យើងអោយតែដឹងថា មានពលរដ្ឋលំបាកហើយទាក់ទងមកមូលនិធិ គឺលោកតែងតែគៀងគរសប្បុរសជនចុះទៅជួយជានិច្ចមិនដែលខានឡើយ។

ដោយឡែងកញ្ញា តេង ដាណា ហៅអាម៉ី បានលើកឡើងថា ការសម្រេចចូលរួមបរិច្ចាគថវិកាផ្ទាល់ខ្លួននេះគឺក្នុងគោលបំណងដើម្បីជួយដល់មូលនិធិមនុស្សធម៌ ដែលជាមូលនិធិជួយដល់សង្គមជាតិ ជួយដល់ប្រជាពលរដ្ឋខ្វះខាតពិតប្រាកដនៅតាមតំបន់នានាក្នុងប្រទេសកម្ពុជា ។

នាងបន្ថែមថា “នាងខ្ញុំសូមអំពាវនាវបងប្អូនទាំងអស់ចូលរួមចំណែកជួយជាថវិកាដល់មូលនិធិសប្បុរសធម៌(ម១៩៨)ផងដើម្បីអោយមូលនិធិនេះបានថវិកាជួយទៅដល់ប្រជាពលរដ្ឋដែលកំពុងត្រូវការជំនួយជាបន្ទាន់បានកាន់តែច្រើនថែមទៀត៕

អត្ថបទ៖ ចាន់រ៉ា