ព័ត៌មានអន្ដរជាតិ
ថៃ រកវិធីតភ្ជាប់ជាមួយផ្លូវដែក ឡាវ-ចិន ទាញភ្ញៀវទេសចរចូលប្រទេស
រដ្ឋាភិបាលថៃបាននិយាយថា ខ្លួនកំពុងស្វែងរកមធ្យោបាយតភ្ជាប់ផ្លូវរថភ្លើងល្បឿនលឿនថៃ-ចិន ជាមួយនឹងផ្លូវដែកឡាវ-ចិន ។
មន្ត្រីជាន់ខ្ពស់ថៃម្នាក់បាននិយាយកាលពីពេលថ្មីៗនេះថា រដ្ឋាភិបាលរបស់លោកត្រូវតែស្វែងរកមធ្យោបាយតភ្ជាប់ផ្លូវដែករបស់ថៃ ជាមួយនឹងផ្លូវដែកឡាវ-ចិនឲ្យបានឆាប់តាមដែលអាចធ្វើទៅបាន ។ នេះបើយោងតាមប្រព័ន្ធផ្សព្វផ្សាយរដ្ឋរបស់ប្រទេសចិននៅក្នុងប្រទេសឡាវ ។
ទោះបីជាការពិតដែលថា វឌ្ឍនភាពនៃគម្រោងផ្លូវដែកល្បឿនលឿនចិន-ថៃបានធ្លាក់ចុះក៏ដោយ ក៏វាអាចទៅរួចដែលថា ផែនការវិភាគសេដ្ឋកិច្ចនឹងមានអាទិភាពក្នុងការសាងសង់គម្រោងដើម្បីភ្ជាប់ខេត្ត Nong Khai របស់ប្រទេសថៃជាមួយរដ្ឋធានីវៀងច័ន្ទ ប្រទេសឡាវ ឆ្លងកាត់ផ្លូវដែកឡាវ-ចិន ។
គំនិតផ្តួចផ្តើមនេះនឹងលើកទឹកចិត្តឲ្យភ្ញៀវមកពីប្រទេសចិនមកទស្សនាប្រទេសឡាវ ថៃ និងបណ្តាប្រទេសអាស៊ីអាគ្នេយ៍ផ្សេងទៀតដោយរថភ្លើងល្បឿនលឿន ។
ជាមួយគ្នានេះ អ្នកនាំពាក្យរងរដ្ឋាភិបាលថៃ Rachada Dhnadirek បាននិយាយកាលពីពេលថ្មីៗនេះថា នាយករដ្ឋមន្ត្រីថៃ Prayuth Chan-Ocha មានចំណាប់អារម្មណ៍ជាពិសេសចំពោះគម្រោងផ្លូវដែកឡាវ-ចិន ហើយមានក្តីរំភើបចំពោះការរៀបចំបើកដំណើរការផ្លូវដែកដែលគ្រោងនឹងបើកដំណើរការនៅខែធ្នូ ឆ្នាំនេះ ។
គួរបញ្ជាក់ថា ការសាងសង់ផ្លូវដែកឡាវ-ចិន តភ្ជាប់ពីរដ្ឋធានីវៀងចន្ទន៍ឡាវ ទៅកាន់ព្រំដែនចិនក្នុងចម្ងាយ ៤២៧ គីឡូម៉ែត្រ បានចាប់ផ្តើមក្នុងខែធ្នូ ឆ្នាំ ២០១៦ ដោយតភ្ជាប់ខេត្តចំនួន ៥ រួមមាន ខេត្ត Luang Namtha ខេត្ត Oudomxay ខេត្ត Luang Prabang ខេត្តវៀងចន្ទន៍ និងរាជធានីវៀងច័ន្ទ ខណៈផ្លូវរថភ្លើងប្រវត្តិសាស្ត្រមួយនេះគ្រោងនឹងបើកដំណើរការនៅថ្ងៃទី ២ ខែធ្នូ ពោលក្នុងការប្រារព្ធទិវាជាតិឡាវ ៕
ប្រែសម្រួលដោយ ៖ ជីវ័ន្ត
ប្រភព ៖ Laotian Times
ចុចអាន ៖ មុនផ្ទុះកូវីដ ថៃ កើបលុយពីទេសចរ ចិន ជាង ១៦ ពាន់លានដុល្លារ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង