ព័ត៌មានអន្ដរជាតិ

ខែវិច្ឆិកានេះ ថៃនឹងមានអ្នកដំណើរផ្លូវអាកាសជាង៧សែននាក់

បានផុស

៥ years មុន

នៅ

ថ្ងៃពុធ ៣ វិច្ឆិកា ២០២១

ដោយ

អ្នកដំណើរផ្លូវអាកាសតាមការប៉ាន់ស្មាន៧២៦០០០នាក់ត្រូវគេរំពឹងធ្វើដំណើរតាមជើងហោះហើរទាំងក្នុងស្រុក និងក្រៅស្រុកចូលប្រទេសថៃ ក្នុងខែវិច្ឆិកានេះ ឬប្រហែលជា២៤២០០នាក់ក្នុងមួយថ្ងៃ បន្ទាប់ពីប្រទេសចាប់បើកឡើងវិញ។

លោក Nitinai Sirismatthakarn ប្រធានព្រលានយន្តហោះថៃបាននិយាយក្នុងថ្ងៃទី២បន្ទាប់ពីបើកប្រទេសកាលពីថ្ងៃអង្គារ៍ថា ក្នុងចំណោមចំនួនខាងលើ មាន២៧០៥២៩នាក់ជាអ្នកធ្វើដំណើរតាមជើងហោះហើរអន្តរជាតិដែលចូល និងចេញប្រទេសថៃ ហើយចំនួនផ្សេងទៀតជាការហោះហើរក្នុងស្រុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kittipong Kittikachorn អគ្គនាយកព្រលានយន្តហោះថៃបានឲ្យដឹងថា សរុបជើងហោះហើរក្នុងស្រុកចំនួន៣១លើកដែលដឹកអ្នកដំណើរប្រហែលជា២៦០០នាក់បានចុះចតនៅព្រលានយន្តហោះសុវណ្ណភូមិកាលពីថ្ងៃអង្គារ៍។ ក្នុងនោះ មានអ្នកដំណើរបរទេស១៥០០នាក់។

លោកបន្តថា ចំពោះការខ្វះរថយន្តសម្រាប់ផ្ទេរចេញពីព្រលានដែលបានកើតមាននៅថ្ងៃដំបូងជាពេលបើកប្រទេស ព្រលានសុវណ្ណភូមិបានធ្វើការជាមួយសណ្ឋាគារដើម្បីដោះស្រាយ។

រដ្ឋមន្ត្រីទីស្តីការគណរដ្ឋមន្ត្រី លោក Anucha Nakasai បានឲ្យដឹងថា កាលពីថ្ងៃចន្ទ មនុស្សជាង៣០០០០នាក់បានចុះឈ្មោះ និងទទួលបានការអនុម័តសម្រាប់សុវត្ថិភាពកូវីដ-១៩ដែលស្ថិតក្រោមប្រព័ន្ធប័ណ្ណថៃដែលជាកាតព្វកិច្ចត្រូវបំពេញសម្រាប់ភ្ញៀវមកដល់ប្តទេសថៃ។

លោកមានប្រសាសន៍កំឡុងពេលដំណើរទស្សនកិច្ចទៅកាន់ព្រលានយន្តហោះសុវណ្ណភូមិកាលពីថ្ងៃអង្គារ៍ដើម្បីត្រួតពិនិត្យមើលអាជ្ញាធរពហុភាគីដែលកំពុងដោះស្រាយអ្នកដំណើរ៕

ប្រែសម្រួល៖ វីរបុត្រ
ប្រភព៖ bangkokpost

Related Topics:ប្រទេសថៃ