ព័ត៌មានជាតិ

អាជីវករធ្វើពាងទឹកលក់ បញ្ជាក់ពីតម្លៃនិងការប្រើប្រាស់របស់ពលរដ្ឋទូទៅ

បានផុស

៥ years មុន

នៅ

ថ្ងៃពុធ ១០ វិច្ឆិកា ២០២១

ដោយ

បច្ចុប្បន្ននេះ ទោះជាមានការរីកចម្រើននិងពេញនិយមនៃការប្រើប្រាស់អាងទឹកក្តី តែពាងទឹកនៅតែមានការប្រើប្រាស់ដដែលរបស់ប្រជាពលរដ្ឋមួយចំនួន។

លោក យ៉ែម សារឿន រស់នៅភូមិព្រែកយាយហ៊ិន២ ឃុំឬស្សីជ្រោយ បានរៀបរាប់ឲ្យដឹងថា ការប្រកបរបរធ្វើពាងទឹក គាត់ធ្វើអស់រយៈការ៣០ឆ្នាំមកហើយ គឺធ្វើពីរនាក់កូន ដោយក្នុង១ថ្ងៃធ្វើបាន៨ពាង។ លោកបញ្ជាក់ពីការធ្វើពាងថា ការធ្វើពាងទឹក គឺយកដីពីដំបូក ដីប្រាំង នៅតាមវាលស្រែ ឬដីឥដ្ឋច្រាំងទន្លេជាដើម។ លោកបញ្ជាក់ទៀតថា ការធ្វើពាងទឹក គឺយើងយកខ្សាច់មកលាយផ្សេងៗគ្នា បូកខាងក្រៅរួចដាក់ក្នុងលូនេះ ក្នុង១ថ្ងៃយើងធ្វើបាន៨ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះជាមានការកើនឡើងនៃការប្រើប្រាស់អាងទឹកក្នុងពេលបច្ចុប្បន្ន តែលោក យ៉ែម សារឿន ដែលជាអ្នកធ្វើពាងលក់រាប់សិបឆ្នាំរូបនេះ នៅតែបញ្ជាក់ទៀតថា ពាងទឹកនៅតែពេញនិយមដដែល របស់ប្រជាពលរដ្ឋ នៃការប្រើ ហើយប្រជាជនយើងមួយចំនួននៅតាមបណ្ដាខេត្តនានា ដាច់ស្រយាលវិញ គាត់ទិញយកទៅដាក់ទឹក ព្រោះតែពួកគាត់អត់ទាន់មានទឹកស្អាតចូលទៅដល់។ ជាពិសេសប្រជាជនយើងនៅខេត្តកំពង់ធំ និងនៅតាមបណ្ដាលខេត្តមួយចំនួនទៀត ជាពិសេសអ្នកដែលរៀបការដំបូងគាត់ពុំទាន់មានលុយឯណាធ្វើអាងទឹកនៅឡើយ គឺត្រូវតែពឹងផ្អែកលើទឹកភ្លៀងនេះហើយ ជូនកាលគាត់ទិញពាងទឹក១ ឬ២សិន យកទៅប្រើ ទម្រាំតែរកលុយបានធ្វើអាងទឹក ព្រោះពាងអស់លុយតិចជាងធ្វើអាងទឹក។