សន្តិសុខសង្គម

ផ្ទះ ៣ ខ្នងជាប់គ្នា ត្រូវអគ្គិភ័យលេបត្របាក់អស់គ្មានសល់ នៅខណ្ឌដូនពេញ

បានផុស

៥ years មុន

នៅ

ថ្ងៃចន្ទ ២២ វិច្ឆិកា ២០២១

ដោយ

ផ្ទះចំនួន ៣ ខ្នងបានរងការខូចខាតទាំងស្រុង ដោយសារតែអគ្គិភ័យលេបត្របាក់អស់គ្មានសល់សង្ស័យឆ្លងចរន្តអគ្គិសនី។ គ្រោះអគ្គីភ័យនោះកើតឡើងកាលពីវេលាម៉ោង ១៩ និង ៣០ នាទីយប់ ថ្ងៃទី ២១ ខែវិច្ឆិកា ឆ្នាំ ២០២១ នៅផ្លូវរថភើ្លង ភូមិ ២ សង្កាត់ស្រះចក ខណ្ឌដូនពេញ រាជធានីភ្នំពេញ ដែលមានម្ចាស់ផ្ទះឈ្មោះ យាយសែម អាយុប្រហែល ៦០ ឆាំ្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានពីកន្លែងកើតហេតុបានឲ្យដឹងថា នៅវេលាកើតហេតុ គឺឃើញផ្សែងហុយខ្មាញ់លាយឡំជាមួយនឹងភ្លើងឆេះសន្ធោសន្ធៅ បាននិងកំពុងឆាបឆេះផ្ទះរបស់ប្រជាពលរដ្ឋនៅចំណុចកើតហេតុនោះ បណ្ដាលឱ្យឆ្លងរាលដាលអស់រហូតដល់ ៣ ខ្នងជាប់គ្នាហើយភ្លាមៗនោះដែរ គេឃើញលោកសុខពេញវុធអភិបាលនៃគណៈអភិបាលខណ្ឌដូនពេញ បានដឹកនាំកម្លាំងចុះទៅដល់កន្លែងកើតហេតុភ្លាមៗអន្តរាគមន៍ជាមួយកងកម្លាំង ដើម្បីវែកចរាចរណ៍ឱ្យក្រុមឡានទឹកវាយចូលបាញ់ទឹកពន្លត់ភ្លើង។

សមត្ថកិច្ចបញ្ជាក់ថា មូលហេតុដែលឆេះនោះ អាចមកពីឆ្លងចរន្តអគ្គិសនី។ ប្រភេទសំណង់ផ្ទះឈើចំនួន ៣ ខ្នងអស់ទាំងស្រុង និងសម្ភារៈប្រើប្រាស់មួយចំនួន មិនបណ្តាលឲ្យរបួសគ្រោះថ្នាក់នោះទេ។ រថយន្តមកជួយអន្តរាគមន៍ មានរថយន្តការិយាល័យបង្ក និងពន្លត់អគ្គិភ័យរាជធានីភ្នំពេញចំនួន ២០ គ្រឿង ប្រើប្រាស់ទឹកអស់ចំនួន ១៤ ឡាន រថយន្តក្រុមហ៊ុនស្រាបៀរកម្ពុជា ចំនួន១គ្រឿង។ អគ្គិភ័យបានគ្រប់គ្រងទាំងស្រុង នៅម៉ោង ២៣ និង ០០ នាទីយប់ថ្ងៃដដែល៕

អត្ថបទ៖ រស្មី

Related Topics:

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា