សន្តិសុខសង្គម

ប្រទះឃើញសពទារកទើបកើត ត្រូវជនមិនស្គាល់មុខយកទៅប្លុងចោលមុខវត្តជម្ពូវ័ន

បានផុស

៥ years មុន

នៅ

ថ្ងៃព្រហស្បតិ៍ ៩ ធ្នូ ២០២១

ដោយ

មានហេតុការណ៍ភ្ញាក់ផ្អើលមួយបន្ទាប់ពីប្រជាពលរដ្ឋប្រទះឃើញសពទារកម្នាក់ក្នុងសភាពរុំកន្សែង ដាក់ក្នុងកេសក្រដាសប្លុងទុកចោលក្រោមរូបសំណាកដំរី ខាងមុខវត្តជម្ពូវ័ន ផ្លូវជាតិលេខ៤ ភូមិជម្ពូវ័ន១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ បង្កឲ្យភ្ញាក់ផ្អើលកាលពីវេលាម៉ោង១០និង១០នាទីព្រឹក ថ្ងៃទី០៩ ខែធ្នូ ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រជាពលរដ្ឋបានឲ្យដឹងថា កេសក្រដាសដាក់សពទារកត្រូវបានគេប្រទះឃើញតាំងពីព្រឹកព្រលឹមមកម្ល៉េះ មិនដឹងថាជនណាយកទៅដាក់នោះទេ ខណៈដែលទីតាំងខាងលើនៅពេលយប់ មានអ្នកលក់ដូរបន្លែច្រើន គិតស្មានថាជាកេសរបស់អ្នកលក់ដូរបន្សល់ទុក ទើបគ្មានអ្នកអើពើ។ ដោយរង់ចាំនិងឃើញពេញមួយព្រឹកទៅហើយគ្មានអ្នកទៅយក ហើយក៏មិនដឹងថាក្នុងកេសមានអ្វី នៅវេលាម៉ោងខាងលើមានពលរដ្ឋគាត់ងឿងឆ្ងល់ទៅបើកបង្ហើបមើល ក៏ប្រទះឃើញមានសពទារកក្នុងកេស ទើបបង្កឲ្យភ្ញាក់ផ្អើល រាយការណ៍ប្រាប់សមត្ថកិច្ច អាជ្ញាធរចុះទៅពិនិត្យជាក់ស្តែង ។