Connect with us

ព័ត៌មានអន្ដរជាតិ

ទារកកើតមិនគ្រប់ខែ ត្រូវជម្លៀសទៅអេហ្ស៊ីប ខណៈរថក្រោះអ៊ីស្រាអែល ឡោមព័ទ្ធមន្ទីរពេទ្យឥណ្ឌូណេស៊ី នៅហ្គាហ្សា

បានផុស

នៅ

កាលពីថ្ងៃចន្ទទី២០ខែវិច្ឆិកា ទារកកើតមិនគ្រប់ខែចំនួន២៨នាក់ ដែលជម្លៀសចេញពីមន្ទីរពេ​ទ្យធំបំផុតរបស់តំបន់ហ្គាហ្សា ត្រូវបានគេនាំទៅកាន់ប្រទេសអេហ្ស៊ីប ដើម្បីព្យាបាលបន្ទាន់ ខណៈអាជ្ញាធរប៉ាឡេស្ទីននិងអង្គការសុខភាពពិភពលោក និយាយថា មនុស្ស១២នាក់ ត្រូវបានសម្លាប់នៅមន្ទីរពេទ្យហ្គាហ្សាមួយទៀត ដែលកំពុងឡោមព័ទ្ធដោយរថក្រោះអ៊ីស្រាអែល។

(រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទារកទើបនឹងកើត បានស្ថិតនៅក្នុងមន្ទីរពេទ្យ Al Shifa ភាគខាងជើងតំបន់ហ្គាហ្សា ជាកន្លែងដែលទារកមួយចំនួនទៀតត្រូវបាត់បង់ជីវិត ដោយសារតែការដួលរលំនៃសេវាវេជ្ជសាស្រ្ត អំឡុងការវាយលុកយោធារបស់អ៊ីស្រាអែល លើទីក្រុងហ្គាហ្សា។

កងកម្លាំងអ៊ីស្រាអែល បានដណ្តើមកាន់កាប់មន្ទីរពេទ្យ Shifa កាលពីសប្តាហ៍មុន ដើម្បីស្វែងរកនូវអ្វីដែលពួកគេនិយាយថា ជាបណ្តាញផ្លូវរូងក្រោមដី ជាកម្មសិទ្ធិរបស់ក្រុមសកម្មប្រយុទ្ធហាម៉ាស នៅក្រោមនោះ។ អ្នកជំងឺ បុគ្គលិកពេទ្យ និងជនភៀសខ្លួនរាប់រយនាក់ ក៏បានចាកចេញពីមន្ទីរពេទ្យដែរ។

(រូបថត៖ Arab News)

កាលពីថ្ងៃអាទិត្យ ទារក ត្រូវបានគេបញ្ជូនទៅកាន់មន្ទីរពេទ្យក្នុងទីក្រុង Rafah នៅតាមព្រំដែនភាគខាងត្បូងនៃតំបន់ហ្គាហ្សាដែលគ្រប់គ្រងដោយក្រុមហាម៉ាស ដូច្នេះស្ថានភាពរបស់ពួកគេអាចតាមដានបាន មុនពេលផ្ទេរទៅកាន់ប្រទេសអេហ្ស៊ីប។

ប្រធានអង្គការសុខភាពពិភពលោក (WHO) លោក Tedros Adhanom Ghebreyesus និយាយថា ទារក១២នាក់ត្រូវបានដឹកតាមយន្តហោះទៅកាន់ទីក្រុងគែរ នៃប្រទេសអេហ្ស៊ីបរួចហើយ។

លោក Tedros Adhanom Ghebreyesus (រូបថត៖ Anadolu)

យ៉ាងណាក្តី អ្នកនាំពាក្យ WHO និយាយថា ទារកដែលត្រូវបានជម្លៀសទាំងអស់ កំពុងប្រយុទ្ធប្រឆាំងនឹងការឆ្លងមេរោគយ៉ាងធ្ងន់ធ្ងរ។

ចាប់តាំងពីវេជ្ជបណ្ឌិតនៅមន្ទីរពេទ្យ Shifa បានជូនដំណឹងជាលើកដំបូងដល់អន្តរជាតិក្នុងខែនេះ អំពីទារកកើតមិនគ្រប់ខែចំនួន៣៩នាក់ដែលប្រឈមនឹងហានិភ័យពីកង្វះការគ្រប់គ្រងការឆ្លងមេរោគ ទឹកស្អាត និងថ្នាំសង្កូវ, ក្រោយមកមានទារកទើបនឹងកើតចំនួន៨នាក់បានបាត់បង់ជីវិត គួរឲ្យរន្ធត់ចិត្តជាទីបំផុត៕

ប្រែសម្រួល៖ Vann Vann

ប្រភព៖ CNA

ចុចអាន៖ EU ប្រាប់ឲ្យអ៊ីស្រាអែល ត្រូវតែគោរពច្បាប់សង្គ្រាម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ១០ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១១ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម