កីឡា

ទ្រីយ៉ាត្លុង បើកការប្រកួតជើងឯកជាតិឆ្នាំ ២០២១ នៅខេត្តកែប ដោយចាប់ផ្តើមមុនលើវិញ្ញាសាឌូអាត្លុង

បានផុស

៤ years មុន

នៅ

ថ្ងៃសុក្រ ១០ ធ្នូ ២០២១

ដោយ

ព្រឹត្តិការណ៍ការប្រកួតកីឡាទ្រីយ៉ាត្លុង ជ្រើសរើសជើងឯកថ្នាក់ជាតិឆ្នាំ ២០២១ បានបើកការប្រកួតជាផ្លូវការហើយ នៅព្រឹកថ្ងៃទី ១០ ខែធ្នូ ឆ្នាំ ២០២១ នៅខេត្តកែប។ ក្នុងការប្រកួតថ្ងៃដំបូងនេះ ក្លឹបកីឡាទ្រីយ៉ាត្លុងក្រសួង មហាផ្ទៃដណ្តើមមេដាយ មាសទាំងបុរស-នារីលើវិញ្ញាសាឌូអាត្លុង បន្ទាប់មកក្លឹបកីឡាទ្រីយ៉ាត្លុងក្រសួងការពារជាតិ។

លោក ងិន សុបញ្ញា អគ្គលេខាធិការសហព័ន្ធបានរាយការណ៍ពីខេត្តកែបមកឲ្យដឹងថា “នៅព្រឹកមិញនេះ នៅខេត្តកែបមានការប្រកួតទ្រីយ៉ាត្លុង(Triathlon) ថ្នាក់ជាតិប្រចាំឆ្នាំ២០២១ ដោយបើកការប្រកួតលើពីរវិញ្ញាសាសម្រាប់ដំបូងនេះ ទី១វិញ្ញាសាDuathlonបុរស-នារី (រត់៥គីឡូម៉ែត្រ ,ជិះកង់២០គីឡូម៉ែត្រនិងរត់២,៥គីឡូ ម៉ែត្រ) ដែលមានកីឡាករចូលរួមចំនួន១៨ នាក់ និងកីឡាការិនីចំនួន ៧នាក់ ហើយការប្រកួតបានបញ្ចប់រួចរាល់ហើយសម្រាប់ថ្ងៃទី១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ងិន សុបញ្ញា បានឲ្យដឹងទៀតថា សហព័ន្ធនឹងបន្តការប្រកួតលើវិញ្ញាសាអាគ័រត្លុង(Aqua thlon) បុរស-នារី មានហែលទឹក ៣០០-៣៥០ ម៉ែត្រនិងរត់ ២,៥ គីឡូម៉ែត្រ និងវិញ្ញាសាទ្រីយ៉ាត្លុង (Tria thlon)បុរស-នារី មានហែល ទឹក៧៥០ ម៉ែត្រ,ជិះកង់២០គីឡូម៉ែត្រនិងរត់៥គីឡូ ម៉ែត្រ ដែលជាវិញ្ញាសាឈុតធំពាក់ព័ន្ធនឹងការហែលទឹកសមុទ្រផ្ទាល់ នៅថ្ងៃអាទិត្យទី១២ធ្នូ ជាថ្ងៃបញ្ចប់។

សម្រាប់លទ្ធផលនៃការប្រកួត Duath lon បុរស នាព្រឹកមិញនេះ៖ លេខ១ កាំង ធឿន ក្លឹបក្រសួងមហាផ្ទៃ, លេខ២ នាង ពេជ្រពិសិដ្ឋ ក្រសួងមហាផ្ទៃ, លេខ៣ ថៃ ធុច ក្លឹបក្រសួងការពារជាតិ។ ចំណែកលទ្ធផលDuathlon នារី៖ លេខ១ អ៊ួន ច័ន្ទភត្រា ក្លឹបក្រសូងមហាផ្ទៃ, លេខ២ ថន សុម៉ាវត្តី ក្រសួងមហាផ្ទៃ, លេខ៣ ហ៊ោ ធីតា ក្លឹបក្រសួងការពារជាតិ៕

អត្ថបទ៖ វិសិទ្ធិ

Related Topics:ប្រកួតកីឡា