ទីផ្សារ​រថយន្តកម្ពុជា​ រំពឹង​មានសន្ទុះ​កើនឡើង​ខ្លាំងវិញ​នៅឆ្នាំ ២០២២​ ក្រោយវិបត្តិកូវីដ

ទីផ្សារទិញលក់រថយន្តនៅកម្ពុជា អាចនឹងមានសន្ទុះខ្លាំងឡើងវិញនៅឆ្នាំ២០២២ បន្ទាប់ពីការធូរ​ស្រាល នៃជំងឺកូវីដ១៩ និងការបើកដំណើរការអាជីវកម្មគ្រប់យ៉ាងឡើងវិញ។

លោក ងន សាំង អគ្គនាយកក្រុមហ៊ុន អ អិម អេ ខេមបូឌា បានប្រាប់កម្ពុជាថ្មីថា “នៅឆ្នាំ ២០២២នេះ ទីផ្សារទិញលក់រថយន្តនៅកម្ពុជានឹង​មាន​សន្ទុះកើនឡើងវិញ ដោយសារតែលក្ខ័ណ្ឌ ជំងឺកូវីដ​បានធូរ​ស្រាល ហើយដំណើរការអាជីវកម្មគ្រប់​យ៉ាងបានដំណើរការ​ឡើងវិញដែលតម្រូវ​ការមានការកើន​ឡើង”។

របាយការណ៍របស់ក្រសួងពាណិជ្ជកម្មកាលពីដើមឆ្នាំនេះ បានឱ្យដឹងថា ​ទឹក​ប្រាក់​នៃ​ការ​នាំចូល​រថយន្ត​ពី​បរទេស​មក​កម្ពុជា​ក្នុង​ឆ្នាំ ២០២០ មាន​តម្លៃ​ប្រមាណ​ជិត ១,១ ពាន់​លាន​ដុល្លារ ធ្លាក់​ចុះ​ជាង ៣៦ ភាគរយ បើ​ធៀប​នឹង​ឆ្នាំ ២០១៩។

លោក ងន សាំង នៅថ្ងៃទី ២៩ ខែធ្នូ នេះថា នៅក្នុងឆ្នាំ ២០២១ កំណើនទីផ្សាររថយន្ត មានការ​កើនឡើងតិចតូច បើប្រៀបធៀបនឹងឆ្នាំ ២០២០ ដោយសារតែការរាត្បាតនៃជំងឺកូវីដ១៩ ប៉ុន្តែលោក​បង្ហាញ​សុទិដ្ឋិវិជ្ជមានថា កំណើនទីផ្សាររថយន្តនៅឆ្នាំ២០២២ខាងមុខនេះ នឹងមានសន្ទុះកើនឡើងខ្លាំងវិញ៕