ព័ត៌មានអន្ដរជាតិ

រថយន្តប្រមាណ១០០គ្រឿងបុកបន្តគ្នានៅអាមេរិក ព្រោះតែព្រិលធ្លាក់ខ្លាំងពេក

បានផុស

៦ ខែ មុន

នៅ

ថ្ងៃអង្គារ ២០ មករា ២០២៦

ដោយ

អាជ្ញាធរបានឱ្យដឹងកាលពីថ្ងៃចន្ទទី១៩ ខែមករា ថា ពួកគេកំពុងសម្អាតផ្លូវ បន្ទាប់ពីគ្រោះថ្នាក់បុកតគ្នាលើរថយន្ត ប្រមាណ១០០គ្រឿង បានកើតឡើងនៅលើផ្លូវដែលគ្របដណ្តប់ដោយព្រិលនៅរដ្ឋ Michigan ភាគខាងជើង សហរដ្ឋអាមេរិក។

ឡានបុកគ្នាក្នុងព្រិលនៅ សហរដ្ឋអាមេរិក។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសនៅរដ្ឋ Michigan បាននិយាយថា៖«អ្នករងរបួសជាច្រើនត្រូវបានរាយការណ៍ក្នុងឧបទ្ទវហេតុនេះថា គ្មាននរណាម្នាក់ស្លាប់ទេ បន្ទាប់ពីរថយន្តដឹកទំនិញធំៗ បានបុកបន្តគ្នានៅលើច្រក I-១៩៦ ដែលបណ្តាលឱ្យរថយន្តជាច្រើនរអិលធ្លាក់ចេញពីផ្លូវ»។

អ្នកបើកបររថយន្ត លោក Pedro Mata Jr បានប្រាប់ភ្នាក់ងារ AP ថា ខ្លួនស្ទើរតែមិនអាចមើលឃើញរថយន្តនៅពីមុខទេ ខណៈដែលព្រិលបានធ្លាក់រាលដ៏ក្រាស់ពេញផ្លូវ ពេលលោកកំពុងបើកបរក្នុងល្បឿន ៣២ទៅ៤០គីឡូម៉ែត្រ ក្នុងមួយម៉ោង មុនពេលគ្រោះថ្នាក់កើតឡើង។

លោកបន្តថា៖«ខ្ញុំអាចឈប់រថយន្តដោយសុវត្ថិភាព ប៉ុន្តែបន្ទាប់មកខ្ញុំសម្រេចចិត្តកាច់ចង្កូតរថយន្តឱ្យចេញពីផ្លូវ ចូលទៅកណ្តាលវិញ ដើម្បីបញ្ចៀសការបុកពីក្រោយ»។

លោក Mata និយាយដោយអារម្មណ៍ភិតភ័យថា៖«វាគួរឱ្យខ្លាចបន្តិច ដោយសារខ្ញុំព្យាយាមផ្ទៀងស្តាប់សំឡេងនៅជុំវិញខ្លួន បន្ទាប់មកសំឡេងនោះផ្ទុះឡើងពីក្រោយខ្ញុំ។ ខ្ញុំបានឃើញអ្វីដែលនៅមុខ ខ្ញុំមិនបានឃើញអ្វីដែលនៅពីក្រោយ ថាជាអ្វីឱ្យពិតប្រាកដនោះទេ»។

គួរឱ្យដឹងផងដែរថា ឧបទ្ទវហេតុកាលពីព្រឹកថ្ងៃចន្ទម្សិលមិញនេះ រួមមានរថយន្តដឹកទំនិញធុនកណ្តាល ចំនួន ៣០ ទៅ ៤០គ្រឿង បានគៀប និងបិទផ្លូវជុំវិញរដ្ឋ ដែលមមាញឹកជាងធម្មតា ជាពិសេសនៅតែបន្តបិទក្នុងរយៈប៉ុន្មានម៉ោងក្រោយមកទៀត។

ចំណែកក្រុមអាជ្ញាធរបានជំរុញឱ្យអ្នកបើកបរយានយន្ត បន្ថយល្បឿនក្នុងស្ថានភាពស្មានមិនដឹង កាលពីថ្ងៃចន្ទ ជាមួយនឹងព្យុះរដូវរងាបានបន្តធ្វើឱ្យព្រិលធ្លាក់មកលើតំបន់នេះ ហើយសីតុណ្ហភាពអាចនឹងធ្លាក់ចុះដល់ -២២° C រួមទាំងខ្យល់ត្រជាក់ផងដែរ។

យ៉ាងណា បណ្តាញអាកាសធាតុជាតិ (NWS) បាននិយាយថា៖ «ព្រិលបក់បោកចូលគ្នា ជាមួយនឹងការប្រមូលផ្តុំ ក្លាយជាដុំទឹកក រហូតដល់ ៤អ៊ីង(១០.១៦សង់ទីម៉ែត្រ) អាចនឹងកើតឡើងពេញមួយយប់ ដែលអាចនាំឱ្យព្យុះ កើនឡើងដល់ ៣៥.៥សង់ទីម៉ែត្រសម្រាប់ផ្នែកនៃភាគនិរតីនិងភាគខាងលិចកណ្តាលនៃ រដ្ឋ Michigan» ។

បណ្តាញអាកាសធាតុជាតិ (NWS) បាននិយាយនៅក្នុងសេចក្តីថ្លែងការណ៍មួយថា៖ «ការធ្វើដំណើរមកតំបន់នេះ មិនត្រូវបានណែនាំឡើយ»៕

ប្រែសម្រួល៖ ណឺ មិនា