ព័ត៌មានអន្ដរជាតិ
វៀតណាមកាត់បន្ថយថ្លៃចុះបញ្ជី ដើម្បីជំរុញការលក់រថយន្តផលិតក្នុងស្រុក
រដ្ឋាភិបាលវៀតណាមកាលពីថ្ងៃសុក្រ បានប្រកាសពីការកាត់បន្ថយតម្លៃចុះបញ្ជីជាបណ្ដោះអាសន្នរហូតដល់ ៥០ ភាគរយ សម្រាប់រថយន្តដែលផលិត និងដំឡើងក្នុងស្រុក ដើម្បីជំរុញការលក់។ នេះបើតាមការចុះផ្សាយរបស់កាសែត Viet Nam News។
ការផ្លាស់ប្តូរនេះ មានគោលបំណងជំរុញទីផ្សាររថយន្តក្នុងស្រុកដែលប្រឈមមុខនឹងការលក់ធ្លាក់ចុះ។ រថយន្តប្រមាណ ៦៧ ៨៤៩ គ្រឿង ត្រូវបានលក់ក្នុងឆមាសទី១ឆ្នាំនេះ ដែលស្មើនឹងការធ្លាក់ចុះ ១៥ ភាគរយ បើធៀបនឹងរយៈពេលដូចគ្នាកាលពីឆ្នាំមុន។
ជាមួយគ្នានេះ ការទម្លាក់តម្លៃចុះបញ្ជីដដែល ក៏មានគោលបំណងផងដែរដើម្បីទប់ទល់នឹងនិន្នាការធ្លាក់ចុះការលក់រថយន្តផលិត ឬដំឡើងក្នុងស្រុក ធៀបទៅនឹងរថយន្តនាំចូល។
បើតាម Viet Nam News គោលនយោបាយនេះរំពឹងថានឹងកាត់បន្ថយប្រាក់ចំណូលរដ្ឋប្រមាណ ៨៦៧ ប៊ីលានដុង (៣៤ លានដុល្លារ) ក្នុង១ខែ។ តម្លៃចុះបញ្ជីបច្ចុប្បន្នគឺ ១២ ភាគរយ នៅទីក្រុងហាណូយ និង ហាយហ្វុង និង ១០ ភាគរយ នៅទីក្រុងហូជីមិញ ដោយតម្លៃនេះមានការប្រែប្រួលទៅតាមតំបន់។
វាមិនមែនជាលើកទី១ទេ ដែលរដ្ឋាភិបាលអនុវត្តវិធានការបែបនេះ ខណៈការកាត់បន្ថយថ្លៃសេវាស្រដៀងគ្នានេះ ត្រូវបានអនុវត្តរួចម្ដងហើយក្នុងរយៈពេល៦ខែចុងក្រោយនៃឆ្នាំមុន៕
-
ព័ត៌មានជាតិ៥ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន