សូ ដានីតា បង្ហាញមុខកូនបំណុលតុងទីន ជំពាក់លុយជិត ៦០ម៉ឺនដុល្លារ

តារាចម្រៀង អ្នកនាង សូ ដានីតា បានប្រកាសស្វែងរកបុគ្គលដែលជំពាក់លុយខ្លួនជិត ៦០ម៉ឺនដុល្លារ ដើម្បីចូលខ្លួនដោះស្រាយបន្ទាន់។ អ្នកនាង សូដានីតា បញ្ជាក់ថានេះជាលើកទី២ហើយ ដែលបានប្រកាសតាមរកបុគ្គលរូបនោះ។

យោងតាមបណ្តាញហ្វេសប៊ុករបស់ សូ ដានីតា បានលើកឡើងថា “ខ្ញុំសូមប្រកាសរកមនុស្សម្នាក់នេះ ជាលើកទី២ចូលខ្លួនដោះស្រាយរឿងលេងតុងទីន ( ប្អូន ) ដេញយកលុយទៅមិនសងរត់បាត់។ សរុបទឹកប្រាក់ (ការ+ដើម ជិត ៦០មុឺនដុល្លារ)។”

តារាស្រី អ្នកនាង សូ ដានីតា បានបន្ថែមទៀតថា “បញ្ជាក់នៅសល់កូនបោកចំនួន ១៣នាក់ទៀតនឹងកូនតុងទីនចរចារខ្យល់មិនសងទៀត បើបងប្អូនណាបានស្គាល់ជួយប្រាប់មកនាងខ្ញុំផង សូមអរគុណ។”

សូមជម្រាបដែរថា មួយរយ:ចុងក្រោយនេះគេសង្កេតឃើញមានតារាសិល្ប:មួយចំនួនមកហើយ ដែលបានប្រកាសផុងខ្លួនដោយការចាញ់បោកលុយអស់រាប់ម៉ឺននិងរាប់សែនដុល្លារ ខណ:ពេលនេះតារាចម្រៀងស្រី សូ ដានីតា ក៏បានប្រកាសលង់ខ្លួនអស់លុយជិត ៦០ម៉ឺនដុល្លារផងនោះ៕

អត្ថបទ៖ ចាន់រ៉ា

ចុចអាន៖ ស្ងាត់ៗ សៅ ឧត្តម ចុះកុងត្រានៅផលិតកម្មថ្មី រយៈពេល ៣ ឆ្នាំ