ជីវិតកម្សាន្ដ

ស្ងាត់ៗ សៅ ឧត្តម ចុះកុងត្រានៅផលិតកម្មថ្មី រយៈពេល ៣ ឆ្នាំ

បានផុស

៤ years មុន

នៅ

ថ្ងៃពុធ ១៦ កុម្ភៈ ២០២២

ដោយ

តារាចម្រៀងរូបសង្ហា និងជាអតីតបេក្ខភាព Cambodian Idol រដូវកាលទី១ គឺលោក សៅ ឧត្តម បានលេចមុខនៅផលិតកម្មថ្មី B&P Enter tainment Production ខណៈបទបើកឆាកដំបូងរបស់លោកកំពុងទទួលបានការគាំទ្រពីមហាជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងបទដំបូងរបស់លោក សៅ ឧត្តម មានចំណងជើងថា”កំពង់ចាមអើយគេទៅចោលខ្ញុំហើយ”។ តាមរយៈការបង្ហាញខ្លួននៅទ្រនំថ្មីនេះ ធ្វើឲ្យទស្សនិកជនចាប់អារម្មណ៍លោក សៅ ឧត្តម ព្រោះកាលពីកន្លងទៅអ្នកគាំទ្របានដឹងថា លោកជាតារាដែលមានកុងត្រានៅថោន ប៉ុន្តែពេលនេះបុរសរូបសង្ហារបែរជាលេចមុខនៅផលិតកម្មថ្មីផ្សេងទៅវិញ។

ក្នុងជំនួបតាមទូរស័ព្ទជាមួយកម្ពុជាថ្មីលោក សៅ ឧត្តម បានឲ្យដឹងថា តាមពិតកុងត្រារបស់លោកនៅថោន គឺបានផុតជាយូរមកហើយ ក្រោយធ្វើការនៅទីនោះបានរយៈពេលជាង២ឆ្នាំ។ លោកបន្តថា ការចេញពីថោន គឺគ្មានបញ្ហានោះទេ គឺជាការចប់កុងត្រាហើយលោក និងថ្នាក់ដឹកនាំថោនរួមទាំងតារានៅទីនោះនៅបន្ដរាប់អានគ្នាដូចធម្មតា។

លោក សៅ ឧត្តម បាននិយាយទៀតថា ការចូលផលិតកម្មB&Pលោកបានចុះកុងត្រារយៈពេល ៣ ឆ្នាំ ហើយមូលហេតុដែលលោកទៅផលិតកម្មថ្មីនេះ គឺដោយសារតែលោកនិ ងម្ចាស់ផលិតកម្មស្គាល់គ្នាមានការរាប់អានគ្នា។ ម្យ៉ាងទៀតនៅទីនោះក៏មាន ការចូលរួមរបស់លោក ងួន សុបិន និងDj កាកា ផងដែរ។

លោកថា នៅក្នុងកុងត្រានោះ មានលក្ខខណ្ឌផ្សេងៗដែលភ្ជាប់ទៅជាមួយផងដែរ ដូចជាក្នុង ១ ខែបទចម្រៀងរបស់លោកមានចេញពី ២ ទៅ ៣ បទ។ ប៉ុន្ដែពេលនេះ លោកទើបចេញបានបទថ្មីតែ ១ បទប៉ុណ្ណោះ គឺបទ”កំពង់ចាមអើយគេទៅចោលខ្ញុំហើយ”តែនៅមុនចូលឆ្នាំខ្មែរនេះ លោកក៏បានត្រៀមចេញបទថ្មីៗជាប្រពៃណីជាតិផងដែរ ខណៈដែលជាធម្មតាបទចម្រៀងរបស់លោកផលិតឡើង គឺតម្រូវតាមទស្សនិកជនគ្រប់វ័យទាំងអស់មិនដែលរើសវ័យនោះទេ ៕

អត្ថបទ៖ ចាន់រ៉ា