KPT+
អាថ៌កំបាំងទាំង ៧ ពីសាប៊ូដុំ គ្រប់គ្នាអាចមិនធ្លាប់ដឹងពីមុនមក
តាមពិតសាប៊ូដុំផ្ដល់គុណប្រយោជន៍ជាច្រើន ហើយយើងតែមើលរំលង ដោយសារតែការប្រើប្រាស់សាប៊ូរាវមានប្រជាប្រិយភាពជាង។ សាប៊ូដុំមានប្រយោជន៍ច្រើនជាងការលាង និងសម្អាត ដែលគ្រប់គ្នាមិនបានដឹងទាល់តែសោះ។
១ ដោះស្រាយបញ្ហាថតតុគាំង ឬទ្វារមិនរអិល ប្រសិនបើអ្នកជួបប្រទះបញ្ហាជាមួយថតតុដែលពិបាកទាញចេញ ឬទ្វារមិនរអិល ពិបាកបើកនិងបិទ គ្រាន់តែយកសាប៊ូដុំមកជូតតាមគែមរបស់ថត ឬគែមនៃទ្វារនៅក្នុងតំបន់ដែលស្ទះ នោះនឹងអាចជួយដោះស្រាយបញ្ហារឹងទាំងនោះបានយ៉ាងងាយ។
២ បន្ថែមក្លិនក្រអូបដល់ទូខោអាវ ថតតុ ក្រៅពីជួយដោះស្រាយបញ្ហាទ្វាជាប់គាំងរហើយ អ្វីដែលប្លែកពីសាប៊ូដុំគឺវាមានក្លិនក្រអូប។ អ្នកគ្រាន់តែយកសាប៊ូដែលនៅសេសសល់ ឬសាប៊ូដុំតូចមួយ ដូចដែលសណ្ឋាគារធំៗបានដាក់ក្នុងបន្ទប់ទឹកឬបន្ទប់គេងដោយដាក់វាក្នុងថតតុ ទូខោអាវ ដើម្បីកាត់បន្ថយក្លិនស្អុយចេញពីទូខោអាវ។ វាក៏ធ្វើឲ្យសំលៀកបំពាក់មានក្លិនក្រអូបផងដែរ។
៣ លុបបំបាត់ស្នាមផ្សេងៗ ការផ្លាស់ទីគ្រឿងសង្ហារឹម ឬផ្លាស់ប្តូរទីតាំងរបស់របរក្នុងផ្ទះ អាចនឹងធ្វើឲ្យឃើញស្នាមប្រហោង ស្នាមប្រេះនៅលើជញ្ជាំង ឬកម្រាលឥដ្ឋ យើងអាចប្រើសាប៊ូដើម្បីលុបបំបាត់រន្ធប្រហោងនោះបាន។
៤ ប្រឆាំងនឹងអ័ព្ទនៅលើកញ្ចក់ ប្រសិនបើអ្នកមិនចូលចិត្តទឹកកកនៅលើកញ្ចក់បន្ទប់ទឹក បន្ទាប់ពីអ្នកងូតទឹករួច។ នោះសាប៊ូដុំ អាចជួយដោះស្រាយបញ្ហាទាំងនេះបាន។ រង់ចាំឲ្យកញ្ចក់ស្ងួត រួចយកសាប៊ូមកជូតលើកញ្ចក់សិន មុននឹងយកក្រណាត់ស្ងួតមកជូត។ វិធីសាស្ត្រនេះ ក៏មានប្រសិទ្ធភាពសម្រាប់វ៉ែនតា និងដងវ៉ែនតាផងដែរ។
៥ ការពារដើមឈើឬរុក្ខជាតិពីសត្វល្អិត ការដាក់សាប៊ូកក់សក់លើដីក្នុងផើងរុក្ខជាតិ នេះនឹងជួយការពារសត្វល្អិតដែលមកបំផ្លាញរុក្ខជាតិបានដូចគ្នា។
៦ ធ្វើការសម្អាតឧបករណ៍ផ្ទះបាយផ្សេងៗ កាន់តែងាយស្រួល ក្រោយប្រើខ្ទះឬឆ្នាំងសម្រាប់កម្ដៅអាហារឲ្យឆ្អិន វត្ថុទាំងនោះនឹងពិបាកលាងសម្អាតជាខ្លាំង។ ដូច្នេះចូរសាកល្បងជូតសាប៊ូនៅលើបាតខ្ទះជាមុនសិន នៅពេលលាងសម្អាតឧបករណ៍ផ្ទះបាយ វានឹងកាន់តែងាយស្រួលក្នុងការសម្អាតថែមទៀត។
៧ ផ្លាស់ប្ដូរការងារដេរឲ្យកាន់តែងាយស្រួល សាកល្បងជូតសាប៊ូតាមថ្នេរដែលចង់ដេរ នោះនឹងធ្វើឲ្យវាកាន់តែងាយស្រួលក្នុងការដេរ។ លើសពីនេះ ប្រសិនបើម្ជុលមានភាពរឹង ចូរដោតម្ជុលជាប់នឹងសាប៊ូ វានឹងធ្វើឲ្យការដេរ កាន់តែងាយស្រួលលើសមុន៕
ប្រែសម្រួល៖ សាង ស្រីល័ក្ខ
ចុចអាន៖ហេតុអ្វីអ្នកខ្លះជ្រុះសក់ ហើយមិនដុះវិញ? អាចព្យាបាលបានអត់?
ចុចអាន៖បើកកង្ហារខែក្ដៅ កាន់តែលើសដើម ងាកមកប្រើតិចនិកនេះវិញ ធានាត្រជាក់ស្រួលខ្លួន
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៧ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៥ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ