ព័ត៌មានអន្ដរជាតិ

លោក Vucic ប្រកាសខ្លួនឯងពីជ័យជម្នះក្នុងការបោះឆ្នោតប្រធានាធិបតីស៊ែប៊ី

បានផុស

៤ years មុន

នៅ

ថ្ងៃចន្ទ ៤ មេសា ២០២២

ដោយ

ប្រធានាធិបតីស៊ែប៊ី លោក Aleksandar Vucic បានប្រកាសខ្លួនឯងជាអ្នកទទួលបានជ័យជម្នះក្នុងការបោះឆ្នោតជ្រើសរើសប្រធានាធិបតី នៅថ្ងៃអាទិត្យម្សិលមិញ ខណៈការបោះឆ្នោតបានបិទបញ្ចប់ និងការព្យាករទុកជាមុនដែលផ្តល់ឲ្យលោកគ្រប់គ្រាន់ដើម្បីជៀសវាងពីការបោះឆ្នោតបន្តបន្ទាប់ផ្សេងទៀត។

តាមការវិភាគមួយរបស់មជ្ឈមណ្ឌលសម្រាប់ការបោះឆ្នោតដោយសេរី និងយុត្តិធម៌ លោល Vucic ទទួលបានសំឡេងគាំទ្រ៥៩% ដែលជាជ័យជម្នះគ្រប់គ្រាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងពីទីស្នាក់ការគណបក្សរបស់លោក មេដឹកនាំកំពុងកាន់អំណាចបានប្រកាសថា ៖«ស៊ែប៊ីនឹងស្ថិតនៅលើអឺរ៉ុប និងកំណែទម្រង់ ប៉ុន្តែនៅតែជាមិត្តភក្តិជាមួយប្រទេសរុស្ស៊ី និងចិន»។

បច្ចុប្បន្ន ប្រទេសនេះស្ថិតនៅក្នុងដំណើរការនៃការចូលរួមជាមួយសហភាពអឺរ៉ុប ប៉ុន្តែបដិសេធកាត់ផ្តាច់ទំនាក់ទំនងជាមួយរដ្ឋាភិបាលក្រុងមូស្គូចំពេលជម្លោះជាមួយអ៊ុយក្រែន ដែលមិនដូចប្រទេសជិតខាងជាច្រើនដែលជាសមាជិកអង្គការណាតូនោះទេ។

ខណៈពេលគណបក្សវឌ្ឍនភាពរបស់លោក Vucic ហាក់ដូចជាធ្លាក់មកតិចជាង៥០%នៅក្នុងសភា វានឹងត្រូវការសំឡេងភាគច្រើនច្បាស់លាស់មួយដែលផ្ទុយពីការព្យាករថា ឈ្នះប្រហែលជា៤៣%នៃអាសនៈ គណបក្សនេះទំនងជាបង្កើតសម្ព័ន្ធភាពជាមួយគណបក្សសង្គមនិយមដែលធ្លាប់បានធ្វើការជាមួយគ្នាពីមុន។ សម្ព័ន្ធភាពគណបក្សប្រឆាំងសាមគ្គីភាពដើម្បីជ័យជម្នះស៊ែប៊ីមើលទៅដូចជាទទួលបានសំឡេងគាំទ្រតែ១៣%ប៉ុណ្ណោះ។

ប្រហែលជា៥០.៨២%នៃអ្នកបោះឆ្នោតដែលបានចុះឈ្មោះបានចេញទៅបោះឆ្នោតដែលត្រូវបានបិទបញ្ចប់វេលាម៉ោង៨ល្ងាចម៉ោងក្នុងស្រុក។ មិនមានភាពមិនប្រក្រតីណាមួយត្រូវបានរាយការណ៍ដោយគណៈកម្មការបោះឆ្នោតរដ្ឋឡើយ ហើយលទ្ធផលជាផ្លូវការត្រូវបានគេរំពឹងបង្ហាញនាថ្ងៃចន្ទនេះ៕

ប្រែសម្រួល៖ វីរបុត្រ
ប្រភព៖ RT

Related Topics:សាធារណរដ្ឋស៊ែប៊ី