សុខភាព

ប្រជាជនថៃមានប្រព័ន្ធភាពស៊ាំការពារកូវីដទើបបាន៥០%

បានផុស

៤ years មុន

នៅ

ថ្ងៃពុធ ២០ មេសា ២០២២

ដោយ

ប្រហែលជាពាក់កណ្តាលប្រជាជនឥឡូវនេះមានប្រព័ន្ធភាពស៊ាំការពារជំងឺកូវីដ-១៩ ប៉ុន្តែចំណុចនេះនៅតិចប្រៀបធៀបនឹងគោលដៅរបស់រដ្ឋាភិបាលឲ្យបាន៨០%។ នេះបើតាមការឲ្យដឹងពីនាយកដ្ឋានគ្រប់គ្រងជំងឺ (DoDC)។

លោកវេជ្ជបណ្ឌិត Chakkarat Pitayowonganon ប្រធានផ្នែកជំងឺឆ្លងរបស់នាយកដ្ឋានគ្រប់គ្រងជំងឺបាននិយាយថា ប្រហែលជា១០%នៃប្រជាជន៦៧.៥លាននាក់ត្រូវបានប៉ាន់ស្មានបានឆ្លងកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលបូកបញ្ជូលគ្នាជាមួយអ្នកដែលបានចាក់វ៉ាក់សាំង២ដូស និងដូសបន្ថែម សរុបទៅអ្នកដែលមានប្រព័ន្ធភាពស៊ាំការពារកូវីដទូទាំងប្រទេសគឺប្រហែលជា៥០%ប៉ុណ្ណោះ។

លោកវេជ្ជបណ្ឌិត Chakkarat ប្រាប់ថា ការចាក់ដូសបន្ថែមត្រូវតែជាអាទិភាព ជាពិសេសម្រាប់ក្រុមមនុស្សដែលងាយរងគ្រោះដូចជាមនុស្សចាស់ និងអ្នកមានជំងឺជាដើម។ ប្រហែលជា៥៥%នៃក្រុមមនុស្សងាយរងគ្រោះគឺមិនទាន់បានចាក់វ៉ាក់សាំងបង្ការកូវីដឡើយ។

លោកវេជ្ជបណ្ឌិត Chakkarat បន្តថា មនុស្សជាច្រើនវិលត្រឡប់ពីពិធីបុណ្យចូលឆ្នាំថ្មីដោយមានវីរុសជាមួយផងដែលកត្តានេះបង្កើនការភ័យខ្លាចដែលការផ្ទុះអាចឡើងខ្លាំង។

កាលពីព្រឹកថ្ងៃអង្គារ៍ ក្រសួងសុខាភិបាលថៃបានប្រកាសថា ក្នុងរយៈពេល២៤ម៉ោងចុងក្រោយ ថៃមានអ្នកស្លាប់ដោយកូវីដ-១៩ចំនួន១២៩នាក់ ដែលកើនឡើង៥នាក់ ធៀបនឹងចំនួនស្លាប់មុនពេល២៤ម៉ោងចុងក្រោយ។

លោកវេជ្ជបណ្ឌិត Chakkarat បានផ្តល់ដំបូន្មានដល់អ្នកប៉ះពាល់ផ្ទាល់ជាមួយអ្នកងាយរងគ្រោះគឺត្រូវពាក់ម៉ាស់ ដេកបន្ទប់ដាច់ដោយឡែក ទំនាក់ទំនងពីចម្ងាយ និងសូម្បីទទួលទានអាហារក៏ដាច់ដោយឡែកគ្នា៕

ប្រែសម្រួល៖ វីរបុត្រ
ប្រភព៖ bangkokpost

Related Topics:ប្រទេសថៃ