ព័ត៌មានអន្ដរជាតិ

ទីក្រុងមូស្គូប្រកាសពីការជម្លៀសជនស៊ីវិលជាថ្មីនៅរោងចក្រដែក Azovstal

បានផុស

៤ years មុន

នៅ

ថ្ងៃព្រហស្បតិ៍ ៥ ឧសភា ២០២២

ដោយ

យោធារបស់ប្រទេសរុស្ស៊ីបានប្រកាសពីការផ្អាកឯកតោភាគីក្នុងប្រតិបត្តិការនៅរោងចក្រដែក Azovstal ក្នុងទីក្រុង Mariupol ដោយបានសន្យាបើកច្រករបៀងមនុស្សធម៌សម្រាប់ជម្លៀសជនស៊ីវិលដែលបានជាប់គាំង។ រោងចក្រដែកនេះនៅតែជាបន្ទាយចុងក្រោយស្ថិតក្រោមការគ្រប់គ្រងរបស់ទាហានអ៊ុយក្រែន និងសមាជិកកងវរសេនាធំ neo-Nazi Azov នៅក្នុងទីក្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«អនុលោមតាមការសម្រេចចិត្តរបស់ថ្នាក់ដឹកនាំរុស្ស៊ី ផ្អែកលើគោលការណ៍មនុស្សធម៌នៃកម្លាំងប្រដាប់អាវុធរុស្ស៊ី… យើងខ្ញុំនឹងបើកច្រករបៀងមនុស្សធម៌ពីទឹកដីនៃរោងចក្រដែក Azovstal ដើម្បីជម្លៀសជនស៊ីវិល (កម្មករ ស្ត្រី និងកុមារ) ដែលស្ថិតអគារក្រោមដីនៅក្នុងបរិវេណនៃរោងចក្រនោះដែលត្រូវបានអះអាងម្តងទៀតដោយទីក្រុងកៀវ»។ យោធារុស្ស៊ីបាននិយាយក្នុងសេចក្តីប្រកាសមួយកាលពីយប់ថ្ងៃពុធ។

ច្រករបៀងមនុស្សធម៌នឹងបើករយៈពេល៣ថ្ងៃចាប់ពីថ្ងៃព្រហស្បតិ៍ដល់ថ្ងៃសៅរ៍ ពីម៉ោង៨ព្រឹកដល់ម៉ោង៦ល្ងាច ម៉ោងនៅទីក្រុងមូស្គូ។ ជនស៊ីវិលដែលត្រូវបានជម្លៀសចេញពីរោងចក្រអាចទៅកន្លែងណាក៏បានគឺតាមចិត្តដែលពួកគេចង់ទៅមិនថា រុស្ស៊ី ឬអ៊ុយក្រែននោះទេ។

កាលពីថ្ងៃអាទិត្យ ជនស៊ីវិលរាប់រយនាក់ដែលជម្លៀសចេញពី Azovstal ក្នុងការប្រឹងប្រែងមនុស្សធម៌ដែលសម្របសម្រួលដោយអង្គការសហប្រជាជាតិ និងកាកបាទក្រហមអន្តរជាតិ។

ទោះបីជាយ៉ាងណា រយៈពេលពីរថ្ងៃកន្លងទៅនេះ រោងចក្រដែក Azovstal ជាកន្លែងដែលមានការវាយប្រហារគ្នាខ្លាំងដែលជំរុញឲ្យមានការភ័យខ្លាចថា ទាហានរុស្ស៊ី និង Donetsk មានជម្រើសវាយប្រហារចុងក្រោយ។ ប្រតិបត្តិការវាយលុករោងចក្រនេះត្រូវបានផ្អាកកាលពីថ្ងៃទី២១ ខែមេសា ដែលលោកប្រធានាធីបតីរុស្ស៊ី វ្លាឌីមៀរ ពូទីន បានបញ្ជា៕