ព័ត៌មានជាតិ

អាជ្ញាធររាជធានីភ្នំពេញ មិនអនុញ្ញាតឱ្យមានការប្រគុំតន្ដ្រី ឬកម្មវិធីសប្បាយភាព ជួបជុំអបអរសាទរបុណ្យឆ្លងចូលឆ្នាំសកលខាងមុខនេះទេ

បានផុស

៥ years មុន

នៅ

ថ្ងៃអង្គារ ២២ ធ្នូ ២០២០

ដោយ

នៅសល់មិនប៉ុន្មានថ្ងៃទៀតទេ កម្មវិធីបុណ្យណូអែល និងពិធីឆ្លងចូលឆ្នាំសកល២០២១ ឈានចូលមកដល់ហើយ ហើយកម្មវិធីទាំង២នេះជាទូទៅ មិនថាជនបរទេស អឺរ៉ុប អាស៊ីនោះទេ គឺតែងតែធ្វើពិធីជួបជុំសប្បាយភាព មិនដែលអាក់ខានឡើយ ។ តែសម្រាប់ឆ្នាំនេះ ដោយសារនៅលើពិភពលោកកំពុងប្រឈមនឹងការរីករាលដាលជំងឺកូវីដ-១៩ ហើយប្រទេសកម្ពុជា ពិសេសនៅរាជធានីភ្នំពេញកំ ពុងប្រឈមដែរនោះ ទើបនៅថ្ងៃនេះអាជ្ញាធររាជធានីភ្នំពេញ បានប្រកាសមិនអនុញ្ញាតឱ្យមានការប្រ គុំតន្ដ្រី ឬកម្មវិធីសប្បាយភាព ជួបជុំអបអរសាទរបុណ្យឆ្លងចូលឆ្នាំសកលខាងមុខនេះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃួង ស្រេង អភិបាលរាជធានីភ្នំពេញ តាមរយៈសារជាសម្លេងតាមប្រព័ន្ធអេឡិចត្រូនិក បានណែនាំឱ្យគ្រប់ប្រធានគណៈបញ្ជា ឯកភាពខណ្ឌទាំង១៤ ត្រូវពិនិត្យមើលបន្ទាន់នៅតាមមូលដ្ឋានរបស់ខ្លួន ពីការរៀបចំប្រគុំតន្ដ្រី ការលេងល្បែងកម្សាន្ត ការផ្សព្វផ្សាយផលិតផល ឬក៏មានការជួបជុំអបអរសាទរបុណ្យឆ្លងចូលឆ្នាំសកលខាងមុខនេះ សូមឱ្យផ្អាកកម្មវិធីទាំងនោះជាបណ្ដោះអាសន្ន ដោយសារទី១ ព្រឹត្តិការណ៍សហគមន៍ ២៨វិច្ឆិកាកូវីដ-១៩ នៅមិនទាន់ចប់ជាស្ថាពរ ។ ទី២ បច្ចុប្បន្ន នេះ មានការផ្ទុះរីករាលដាល ឡើងនូវជំងឺកូវីដ-១៩ នៅប្រទេសថៃ ដែលមានខេត្តជាប់បន្ទាត់ព្រំដែនកម្ពុជា ដែលអាចមានពលករឆ្លងចូលមកក្នុងស្រុកវិញ ។ ដូចនេះដើម្បីចូលរួមទប់ស្កាត់ការរីករាល ដាលជំងឺកូវីដ-១៩នេះ លោក ឃួង ស្រេង បានសូមគណៈបញ្ជាការឯកភាពខណ្ឌទាំង១៤ ផ្អាកការ ជួបជុំគ្នានេះជាបណ្ដោះអាសន្ន រង់ចាំការគ្រប់គ្រងបាននូវជំងឺកូវីដ-១៩នេះ និងរង់ចាំមានការណែនាំជាថ្មី ក្នុងនោះដែរគណៈបញ្ជាការឯកភាពខណ្ឌទាំង១៤ធ្វើការផ្សព្វផ្សាយ ដើម្បីឱ្យប្រជាពលរដ្ឋយល់ ដឹង ការពារ និងអនុវត្តវិធាននានាឱ្យបានល្អតាមមូលដ្ឋាន៕

អត្ថបទ ៖ ស្រីរ័ត្ន

Related Topics:រដ្ឋបាលរាជធានីភ្នំពេញ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា