ជីវិតកម្សាន្ដ
ក្រោយបញ្ចាំងចប់ ៥ឆ្នាំ អតីតតួឯកស្រី “សិស្សឆ្នើមកំពូលល្បិច” មានស្ថានភាពយ៉ាងណាហើយ?
តារាស្រីថៃ Aokbab Chutimon ត្រូវបានទស្សនិកជនស្គាល់យ៉ាងច្បាស់ ក្រោយដើរតួជា លីន (Lynn) ក្នុងរឿង “សិស្សឆ្នើមកំពូលល្បិច” (Bad Genius) ហើយតាំងពីពេលនោះមក កេរ្តិ៍ឈ្មោះរបស់នាងកាន់តែល្បីរន្ទឺ ឯអាជីពសម្តែងក៏កាន់តែជោគជ័យ រហូតមានឱកាសសម្ដែងក្នុងខ្សែភាពយន្តចិនទៀតផង។
ខ្សែភាពយន្ត “សិស្សឆ្នើមកំពូលល្បិច” ឆ្នាំ២០១៧ ជាភាពយន្តដ៏ជោគជ័យបំផុតរបស់ Aokbab Chutimon ព្រោះថាបន្ទាប់ពីសម្ដែងជាតួ លីន រួចមក នាងទទួលការគាំទ្រយ៉ាងខ្លាំងពីទស្សនិកជន។
បើធៀបទៅនឹងតារាស្រីជាច្រើនក្នុងវិស័យសិល្បៈថៃ Aokbab Chutimon ត្រូវបានគេសរសើរពីរូបសម្រស់ប្លែកពីគេមិនដាច់ពីមាត់ ព្រោះសម្រស់របស់នាងមានភាពទាក់ទាញយ៉ាងពិសេស ជាមួយនឹងទម្រង់មុខរាងជ្រុង ភ្នែកមូល និងស្បែកពណ៌ត្នោត។
មុនពេលឈានជើងចូលចូលសិល្បៈ នាងត្រូវបានគេណែនាំឲ្យធ្វើការវះកាត់កែសម្ផស្ស ប៉ុន្តែតារាស្រីវ័យ ២៦ឆ្នាំរូបនេះ ជឿជាក់លើសម្រស់ធម្មជាតិរបស់នាង ជាជាងឆ្លងកាត់មុខកាំបិត។ ជារឿយៗ តារាស្រីរូបនេះ តែងតែបង្ហោះរូបថតមុខទទេ គ្មានការផាត់មុខ នៅលើផេកផ្ទាល់ខ្លួនរបស់នាង ហើយទទួលការចូលចិត្តជាច្រើនលាននាក់។
តាំងប្រឡូកក្នុងវិស័យម៉ូដ Aokbab Chutimon ជាតារាម៉ូដែលដ៏ពេញនិយមក្នុងចំណោមម្ចាស់ម៉ាកសម្លៀកបំពាក់ប្រេនៗមិនតិចនោះទេ។ នាងត្រូវទស្សនាវដ្តីធំៗជាច្រើនស្រឡាញ់ចូលចិត្ត ហើយនាងក៏មានឱកាសបង្ហាញខ្លួននៅលើកម្រាលព្រំក្រហមនៃមហោស្រពភាពយន្តទីក្រុង Cannes ជាច្រើនដងទៀតផង។ មិនតែប៉ុណ្ណោះ នាងធ្លាប់ឈ្នះពានរង្វាន់ “តារាពេញនិយមបំផុត” នៅក្នុងកម្មវិធី JOOX Thailand Music Awards ឆ្នាំ២០២០ និងពានរង្វាន់ “ស្ត្រីអាស៊ីដែលបំផុសគំនិតល្អបំផុត ប្រចាំឆ្នាំ២០១៩” នៅឯពានរង្វាន់ជម្រើសប្រជាជន។
អាជីពសម្ដែងរបស់ Aokbab Chutimon កាន់តែមានប្រជាប្រិយភាពកើនឡើង បន្ទាប់ពីបង្ហាញខ្លួនក្នុងខ្សែភាពយន្ត Happy May ។ បន្ថែមពីលើការសម្ដែងឆ្នើមក្នុងភាពយន្តនេះ នាងបានឈ្នះពានរង្វាន់ “ភាពយន្តបរទេសល្អបំផុត” នៅឯពិធីប្រគល់ពានរង្វាន់ Golden Rooster Awards ទៀតផង។
ក្នុងវ័យ២៦ឆ្នាំ នៅឆ្នាំ២០២២នេះ Aokbab Chutimon ក្លាយជាតារាស្រីថៃដ៏មានសក្ដានុពលក្នុងវិស័យម៉ូដទាំងជាតិ និងអន្តរជាតិ។ នាងបានធ្វើឲ្យមហាជនសរសើរហើយសរសើរទៀតពីសម្រស់ដ៏ស្រស់ស្អាតរបស់នាង ព្រមទាំងស្ងើចពីភាពជោគជ័យក្នុងអាជីពវិស័យសិល្បៈផងដែរ៕
ប្រែសម្រួល៖ សន្យា
ចុចអាន៖ តារា ថៃ ៥ រូប ធ្លាប់រងការជេរប្រមាថ និងរិះគន់ខ្លាំងៗ ដោយសារតែរូបរាងកាយរបស់ខ្លួន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ