នគរបាលស្រុកបាទី បង្រ្កាបល្បែងស៊ីសងមួយកន្លែងដកហូតបានម៉ូតូ៦គ្រឿង

ទីតាំងល្បែងប្រជល់មាន់ដុះស្លែដែលគេដឹងថាជារបស់ឈ្មោះ ហ៊ីម ស្ថិតនៅភូមិពញាគុក ឃុំត្រពាំងក្រសាំង ស្រុកបាទី ត្រូវបានលោក ឃុត ចិត្រា អធិការរងនគរបាលស្រុកបាទី បើកប្រតិបត្តិការចុះបង្រ្កាបហើយកាលពីរសៀលថ្ងៃទី១០ ខែកក្កដា ឆ្នាំ២០២២កន្លងទៅនេះ។

ក្នុងការចុះបង្រ្កាបនោះ សមត្ថកិច្ចបានរឹបអូសម៉ូតូចំនួន០៦គ្រឿង មាន់មួយក្បាល ប៉ុន្តែអ្នកលេងមិនត្រូវបានឃាត់ខ្លួន ឡើយ ដោយសារបានរត់គេចខ្លួនអស់ពេលសមត្ថកិច្ចទៅដល់។ យ៉ាងណាក៏ដោយលោក ឃុត ចិត្រា បានធ្វើការប្តេជ្ញាថា លោកនឹងធ្វើការបង្រ្កាបល្បែងស៊ីសងឲ្យដូចភ្លៀងរលឹម និងគ្មានការយោគយល់ចំពោះអ្នកណាម្នាក់ឡើយ។

ដោយឡែកសម្រាប់ករណីបង្រ្កាបនៅចំណុចភូមិពញាគុកនេះវិញ លោកថា នឹងចាត់ការតាមនីតិវិធីច្បាប់ដោយមិនលើក លែងនោះទេ៕

អត្ថបទ៖ ឆៃ យ៉ា