ព័ត៌មានជាតិ
ក្រសួងផែនការគ្រោងនឹងធ្វើជំរឿនកសិកម្មជាលើកទី២នៅឆ្នាំ២០២៣
មន្ត្រីជាន់ខ្ពស់នៃក្រសួងផែនការ បានមានប្រសាសន៍ថា ក្រសួងគ្រោងនឹងរៀបចំការធ្វើជំរឿនកសិកម្មជាលើកទី២នៅដើមឆ្នាំ២០២៣ខាងមុខនេះ បន្ទាប់ពីធ្វើលើកទី១កាលពីឆ្នាំ២០១៣កន្លងទៅ។
លោកស្រី ហង់ លីណា ប្រតិភូរាជរដ្ឋាភិបាលកម្ពុជា ទទួលបន្ទុកអគ្គនាយកវិទ្យាស្ថានជាតិស្ថិតិនៃក្រសួងផែនការបានមានប្រសាសន៍នៅព្រឹកថ្ងៃទី១១ ខែសីហា នេះថា ការធ្វើជំរឿនកសិកម្មត្រូវបានធ្វើផ្អែកតាមច្បាប់ស្តីពីស្ថិតិ ដែលបានកំណត់ត្រូវធ្វើជារៀងរាល់រយៈពេល១០ឆ្នាំម្តង។ ជំរឿនកសិកម្មឆ្នាំ២០២៣ គឺជាការងារជំរឿនលើកទី២បន្ទាប់ពីបានធ្វើជាលើកដំបូងនៅឆ្នាំ២០១៣ ដោយផ្អែកតាមអនុក្រឹត្យលេខ៧៣អនក្រ.បក ចុះថ្ងៃទី៨ ខែមេសា ឆ្នាំ២០២២។
លោកស្រីបានបន្តថា ជំរឿនកសិកម្ម គឺមានសារសំខាន់បំផុតដើម្បីធ្វើបច្ចុប្បន្នភាពទិន្នន័យស្ថិតិស្តីពីស្ថានភាពគ្រួសារកសិកម្ម និងអង្គភាពកសិកម្មគ្រប់ទំហំខ្នាត និងប្រភេទ ដែលស្ថិតក្នុងវិស័យកសិកម្ម រួមទាំងចំនួនកម្លាំងពលកម្ម ស្ថានភាពហិរញ្ញវត្ថុ សក្តានុពលផលិតកម្ម និងការប្រើប្រាស់ធនធានរបស់គ្រឹះស្ថានកសិកម្មទាំងនោះសម្រាប់ផ្តល់ធាតុចូលក្នុងការកសាងគោលនយោបាយអភិវឌ្ឍន៍វិស័យកសិកម្ម សេដ្ឋកិច្ច បរិស្ថាន និងសង្គម ការគណនាកំណើនសេដ្ឋកិច្ច របស់រាជរដ្ឋាភិបាលកម្ពុជា ក៏ដូចជាសម្រាប់ផ្តល់ជូនអ្នកប្រើប្រាស់ជាសាធារណៈនៅតាមក្រសួង ស្ថាប័នអង្គការជាតិ និងអន្តរជាតិ។
លោកស្រីបានបន្តទៀតថា ចំពោះថវិកានិងកម្លាំងមន្ត្រីក្នុងការចំណាយនឹងការចុះធ្វើជំរឿននេះ នៅមិនទាន់ដឹងនៅឡើយទេដោយរង់ចាំការសម្រេចពីក្រសួងសេដ្ឋកិច្ចនិងហិរញ្ញវត្ថុតាមសំណើររបស់ក្រសួង។
គួរបញ្ជាក់ថា រាជរដ្ឋាភិបាលកម្ពុជាបានចេញអនុក្រឹត្យកំណត់យកថ្ងៃទី១ ខែមេសា ឆ្នាំ២០២៣ ខាងមុខនេះជាកាលបរិច្ឆេទ ការរៀបចំ និងការប្រព្រឹត្តទៅនៃជំរឿនកសិកម្មនៅព្រះរាជាណាចក្រកម្ពុជា។ ការធ្វើជំរឿនកសិកម្មនេះក្នុងគោលបំណងដើម្បីទទួលបាននូវព័ត៌មានគ្រប់ផ្នែកក្នុងវិស័យកសិកម្មនិងធ្វើជាទិន្នន័យមូលដ្ឋានសម្រាប់ អ្នកប្រើប្រាស់និងអ្នករៀបចំគោលនយោបាយ យុទ្ធសាស្ត្រ ផែនការសកម្មភាព និងគម្រោងនានា សំដៅពង្រឹងនិងធ្វើឱ្យប្រសើរឡើងនូវប្រព័ន្ធស្ថិតិកសិកម្ម ដើម្បីជំរុញកិច្ចអភិវឌ្ឍវិស័យសេដ្ឋកិច្ចនិងសង្គមកិច្ច៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ