ព័ត៌មានជាតិ
ស្រុកលំផាត់រងផលប៉ះពាល់ដោយទឹកជំនន់ ៣ឃុំនិងដំណាំខូចខាតមួយចំនួន
ជំនន់ទឹកភ្លៀងនៅតែបន្តធ្លាក់រាល់ថ្ងៃនៅក្នុងខេត្តរតនគិរីប៉ុន្មានថ្ងៃមកនេះធ្វើឲ្យប៉ះពាល់ផ្ទះសម្បែង និងដំណាំរបស់បងប្អូនប្រជាពលរដ្ឋដែលរស់នៅតាមដងទន្លេស្រែពក និងទន្លេសេសាន នៃខេត្តរតនគិរី។
កាលពីថ្ងៃទី ១០ ខែសីហា ឆ្នាំ២០២២ នៅស្រុកលំផាត់ ជំនន់ទឹកភ្លៀងបានហក់ឡើងដល់ចំណុចប្រកាសអាសន្ន ខណៈប្រជាពលរដ្ឋនាំគ្នាត្រៀមទូកជម្លៀសកូនចៅ សាច់ញាតិ មករកទីទួលសុវត្ថិភាព នៅក្បែរសាលាស្រុកលំផាត់។
ដំណាំដាំដុះរបស់ពួកគាត់បានខូចខាតស្ទើអស់ទាំងស្រុងទៅហើយ ហើយផ្លូវលំ និងផ្លូវកៅស៊ូមួយចំនួននៅក្នុងស្រុកលំផាត់បានរងនូវការលិចជាបណ្តើរៗផងដែរ។
កន្លងទៅនេះលោក ញ៉ែម សំអឿន អភិបាលខេត្តនិងជាប្រធានគណ:កម្មាធិការគ្រោះមហន្តរាយថ្នាក់ខេត្ត បានចុះត្រួតពិនិត្យ និងមើលស្ថានភាពនៃទឹកទន្លេស្រែពកក្នុងស្រុកលំផាត់ កាលពីថ្ងៃទី១១ ខែសីហា ឆ្នាំ២០២២។
លោកបានចុះទៅមើលស្ថានភាពទឹកទន្លេ និងឲ្យអាជ្ញាធរស្រុកត្រៀមទូកដើម្បីជួយសង្គ្រោះប្រជាពលរដ្ឋដែលជួបឧបទ្ទវហេតុផ្សេងៗនូវប្រការណាមួយនោះ។
យោងតាមរបាយការណ៍ពីសាលាស្រុកលំផាត់បានឲ្យដឹងថា ផលប៉ះពាល់គ្រោះមហន្តរាយទឹកជំនន់នៅស្រុកលំផាត់កាលពីថ្ងៃទី១០ដល់ថ្ងៃទី១២ ខែសីហា ឆ្នាំ២០២២ កម្ពស់ទឹក មានចំនួន១២.៨៥ម៉ែត្រ គិតត្រឹមម៉ោង២និង៤៥នាទី ហើយកម្ពស់ទឹកត្រូវប្រកាសអាសន្ន មានកម្ពស់១២,៥០ម៉ែត្រ សភាពការគ្រោះទឹកជំនន់នៅស្រុកលំផាត់នេះចាប់ពីថ្ងៃទី១០ដល់ថ្ងៃទី១២ ខែសីហា ឆ្នាំ២០២២។ អំពីស្ថានភាពទឹកជំនន់តាមបណ្តាឃុំទាំង៦ ក្នុងនោះបង្កឲ្យមានផលប៉ះពាល់ចំនួន៣ឃុំ÷
១-ឃុំជ័យឧត្តម មាន៦ភូមិ
២- ឃុំកាឡែង មានផលប៉ះពាល់៣ភូមិ
៣- ឃុំសេដា មានផលប៉ះពាល់១ភូមិ។
ក្នុងនោះអាជ្ញាធរស្រុកបានជម្លៀសប្រជាពលរដ្ឋនិងសត្វពាហនៈមកទីទួលសុវត្ថិភាពផងដែរ៕
អត្ថបទ៖ វុទ្ធឦសាន
-
ជីវិតកម្សាន្ដ៥ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ១២ ម៉ោង ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ១ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៥ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានអន្ដរជាតិ៦ ថ្ងៃ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី
-
សន្តិសុខសង្គម១ សប្តាហ៍ ago
ស្នងការខេត្តកំពត អញ្ជើញម្ចាស់គណនីហ្វេសប៊ុក ឈ្មោះ Santa kh ចូលបំភ្លឺ
-
ព័ត៌មានអន្ដរជាតិ៥ ថ្ងៃ ago
ណាសា រកឃើញសញ្ញាជីវិតលើភពមួយ ខណៈគេសង្ស័យថា ជា Alien