KPT+

សកម្មភាពចិញ្ចឹមកូន៤យ៉ាងដែលឪពុកម្ដាយសម័យថ្មីនិយមធ្វើ

បានផុស

៥ years មុន

នៅ

ថ្ងៃព្រហស្បតិ៍ ៣១ ធ្នូ ២០២០

ដោយ

ចិញ្ចឹមក្មេងឲ្យធំធាត់ជាមនុស្សល្អ និងជាពលរដ្ឋល្អក្នុងសង្គមជាទំនួលខុសត្រូវរបស់ឪពុកម្ដាយគ្រប់រូប។ ហេតុនេះប៉ាម៉ាកទាំងឡាយ មិនគួរព្រងើយកន្តើយនឹងភារៈនេះទេ ដោយព្រោះលោកអ្នកជាស្នូល និងជាចំណែកធ្វើឲ្យក្មេងក្លាយជាមនុស្សបែបណានាពេលអនាគត។

អត្ថបទខាងក្រោមជាគន្លឹះមានតម្លៃទាំង ៤សម្រាប់ចិញ្ចឹមកូនដែលឪពុកម្ដាយគ្រប់រូបគួរដឹងនិងអនុវត្ត៖

១. ចំណាយពេលវេលាសម្រាប់កូន

មិនថាលោកអ្នករវល់ការងារយ៉ាងណាក៏ដោយ ការចំណាយពេលវេលាជាមួយកូនៗជាប់លាប់ អាចធ្វើឲ្យពួកគេមានអារម្មណ៍កក់ក្ដៅ និងមិនឯកោ។ ជាប៉ាជាម៉ាក់ មិនគួរណាយកភាពរវល់មកផ្ដាច់ទំនាក់ទំនងជាមួយកូនឡើយ ព្រោះនោះអាចជាមូលហេតុមួយបណ្ដាលឲ្យពួកគេកើតជំងឺផ្លូវចិត្តបាន។

២. នាំកូនដើរលេងខាងក្រៅ

រៀបចំពេលនាំកូនចេញទៅខាងក្រៅលេង ដើម្បីឲ្យបានឃើញគេឃើញឯងខ្លះ។ ឪពុកម្ដាយមួយចំនួនបណ្ដោយឲ្យកូនដើរលេងក្នុងទូរសព្ទស្មាតហ្វូនរាល់ថ្ងៃ ដោយចាត់ទុកថា ទង្វើបែបនេះជាការបង្រៀនកូនឆ្លាតទៅវិញ។ សូមនាំពួកគេដើរកម្សាន្តជាមួយធម្មជាតិ និងជួបមនុស្សពិតៗដោយផ្ទាល់ និងគួរដាក់កំណត់កូនៗក្នុងការប្រើបច្ចេកវិទ្យាប្រចាំថ្ងៃ។

៣. បង្ហាញទំនួលខុសត្រូវ

ប៉ាម៉ាក់មានទំនួលខុសត្រូវលើភាពជាឪពុកម្ដាយ អាចបង្រៀនទៅកូនៗដោយប្រយោលពីការទទួលខុសត្រូវរបស់ពួកគេដូចគ្នា។ ដូចពាក្យមួយពោលថា “សកម្មភាព ឮ ជាងសម្ដី” វាចង់បញ្ជាក់ពីទង្វើជាក់ស្ដែងរបស់ប៉ាម៉ាកដែលពិតជាគំរូដ៏មានឥទ្ធិពលសម្រាប់កូនជាងពាក្យប្រៀនប្រដៅ។

៤. ស្វែងយល់ពីចំណូលចិត្ត លើកទឹកចិត្តកូនជានិច្ច

បើសិនប៉ាម៉ាក់ ចង់ឱ្យកូនធំឡើងក្នុងពិភពមួយដែលភ្លឺស្វាង និងល្អប្រសើរជាងកាលជំនាន់របស់ខ្លួន បង្រៀនពួកគេពីអតីតកាលដើម្បីឲ្យពួកគេចៀសវាងរឿងមិនល្អ។ ម្យ៉ាងទៀត អ្វីដែលល្អបំផុតក្នុងការចិញ្ចឹមកូន នោះជាការស្វែងយល់ពីចំណុចខ្លាំងរបស់កូនៗ និងគាំទ្រពួកគេឱ្យធ្វើអ្វីដែលខ្លួនចង់ធ្វើ ជាជាងដាក់បន្ទុក ឬកំណត់គោលដៅជីវិតសម្រាប់ពួកគេ៕

ប្រែសម្រួល៖ សន្យា

ប្រភព៖ Bright Side

ចុចអាន៖សុជីវធម៌ពេលនិយាយទូរសព្ទនៅតែជាផ្នែកសំខាន់នៃ SOFT SKILL

ចុចអាន៖ម្ដាយណាមិនស្រឡាញ់កូន! ជាកូនស្រីគួរស្ដាប់សម្ដីអ្នកមានគុណ ពេលគាត់ទូន្មានរឿងស្នេហា

Related Topics: