សាលាដំបូងរាជធានី ជូនដំណឹងដល់អ្នកស្រី ជា កែវកល្យាណ និងស្វាម៉ី ចូលទៅយកដីកាដើម្បី​ដោះ​ស្រាយសំណុំរឿងរដ្ឋប្បវេណី

យោងតាមលិខិតជូនដំណឹងរបស់អ្នកស្រី ស៊ូ លក្ខិណា ក្រឡាបញ្ជីនៃសាលា​ដំបូងរាជធានីភ្នំពេញ ដែលចេញកាលពីថ្ងៃទី២៦ ខែតុលា ឆ្នាំ២០២២កន្លងទៅនេះ បានជូនដំណឹងដល់អ្នកស្រី ជា កែវកល្យាណ និងស្វាម៉ីឈ្មោះ គឹម វុទ្ធី ឲ្យចូលទៅ​យកដីការកោះហៅរបស់លោក ម៉ម ច័ន្ទវណ្ណៈ ចៅក្រមស៊ើបសួរសាលាដំ​បូង​រាជធានីភ្នំពេញ​ ដើម្បីដោះស្រាយ​សុំរឿងរដ្ឋប្បវេណី។

ក្នុងសេចក្ដីជូនដំណឹងបង្ហាញថា សូមជូនដំណឹងមកឈោ្មះ ជា កែវកល្យាណ ភេទស្រី និងប្តីឈ្មោះ គឹម វុទ្ធី ភេទប្រុស អាសយដ្ឋាននៅផ្ទះលេខ ១១៧ ផ្លូវលេខ១៨ ភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ឲ្យបានជ្រាបថា សាលាដំបូងរាជធានីភ្នំពេញ បានសម្រេចឲ្យធ្វើការបញ្ជូនតាមការផ្សាយជាសាធារណះអំពីដីកាកោះ ចុះថ្ងៃទី២០ ខែតុលា ឆ្នាំ២០២២ ស្តីពីការកំណត់កាលបរិច្ឆេទនៃនីតិវិធីត្រៀមសម្រាប់ការទាញហេតុផល ដែលនឹងប្រព្រឹត្តទៅនៅថ្ងៃទី​២២ ខែវិច្ឆិកា ឆ្នាំ២០២២ វេលាម៉ោង៩និង៣០នាទីព្រឹក ដោយហេតុថា ជាភាពចាំបាច់ដើម្បីជៀសវាងការយឺតយ៉ាវក្នុងដំណើរការនីតិវិធី។

សេចក្តីនេះ សូមឈ្មោះ ជា កែវកល្យាណ ភេទស្រី និងប្តីឈ្មោះ គឹម វុទ្ធី ភេទប្រុស ចូលទៅយកដីកាកោះនៅសាលាដំបូងរាជធានីភ្នំពេញ នៅរៀងរាល់ម៉ោងនិងថ្ងៃធ្វើការ៕