សម្តេចតេជោ និងគណៈប្រតិភូទាំងអស់ នឹងត្រឡប់មកកម្ពុជាវិញល្ងាចនេះ ក្រោយតេស្តឃើញកូវីដ-១៩

សម្តេចតេជោ ហ៊ុន សែន នាយករដ្ឋមន្រ្តីតេស្តកូវីដ-១៩ នៅប្រទេសឥណ្ឌូណេស៊ី។ សម្តេចបញ្ជាក់ថា នឹងអញ្ជើញវិលមកកម្ពុជាវិញនៅល្ងាចនេះ ជាមួយគណៈប្រតិភូខ្មែរទាំងអស់។

តាមរយៈផេកផ្លូវការរបស់សម្តេចតេជោ នៅព្រឹកនេះ បានសរសេរថា « បងប្អូនជនរួមជាតិជាទីគោរពស្រឡាញ់ ពេលនេះខ្ញុំតេស្តឃើញវិជ្ជមានកូវីដ.១៩។ មុនចេញពីកម្ពុជា ខ្ញុំធ្វើតេស្តរាល់ថ្ងៃពិសេសមុនពេលចេញដំណើរមក ខ្ញុំធ្វើរហ័សមុនឡើងយន្តហោះ តែពុំមានឃើញអ្វីនោះឡើយ។ ខ្ញុំមិនច្បាស់ថាមេរោគនេះ

 មកនៅជាមួយខ្លួនខ្ញុំ ចាប់ពីពេលណាមកនោះឡើយ តែអ្វីដែលច្បាស់ពេលមកដល់ពេទ្យ ឥណ្ឌូនេស៊ីយកសំណាក​ពេលល្ងាច លុះព្រឹកឡើងបញ្ជាក់ថាវិជ្ជមានកូវីដ.១៩ ដែលយើងត្រូវតែទទួលស្គាល់បើទោះជា​ក្នុងខ្លួនយើងមិនមាន​អាការៈចម្លែកក៏ដោយ»។

សំណេររបស់សម្តេច បានបន្តថា «ជាសំណាងមួយដែលយប់មិញដោយសារមកដល់យឺតខ្ញុំមិនបានទៅចូលរួមបាយ​ល្ងាចជាមួយប្រមុខរដ្ឋ ប្រមុខរដ្ឋាភិបាលមួយចំនួនដែលរៀបចំដោយប្រធានាធិបតីបារាំង»។

«ដើម្បីសុវត្តិភាពសម្រាប់ប្រតិភូដែលចូលរួមប្រជុំខ្ញុំសម្រេចឲ្យប្រតិភូកម្ពុជាវិលត្រឡប់ទៅកម្ពុជាវិញទាំងអស់។ ឯតំណាងប្រទេសអាស៊ានយើងកំពុងចរចាប្រគល់ជូនឥណ្ឌូនេស៊ីជាតំណាងតែម្តង»។ នេះជាការបន្ថែមរបស់​សម្តេចតេជោ។

សម្តេចតេជោ បានគូសបញ្ជាក់ទៀតថា អ្វីដែលអាក់ខានគឺជំនួបបានគ្រោងទុកជាមួយប្រធានាធិបតីចិន និងប្រធានាធិបតីបារាំង ដែលគ្រោងជួបគ្នានៅបាងកកប្រទេសថៃនាពេលប្រជុំAPEC។ ខ្ញុំគ្រោងត្រឡប់ទៅ​ដល់កម្ពុជាវិញនៅល្ងាចថ្ងៃនេះជាមួយអាការៈធម្មតាដែលខ្ញុំ នឹងបន្តធ្វើការធម្មតាលើកលែងតែការទទួលភ្ញៀវ៕