ព័ត៌មានជាតិ
ពីរឆ្នាំ រាជបណ្ឌិត្យសភាកម្ពុជាចុះស្រាវជ្រាវតំបន់ទេសចរណ៍ជាង ៨០០ កន្លែងទូទាំំងប្រទេស
រាជបណ្ឌិត្យសភាកម្ពុជាបានចុះស្រាវជ្រាវពីតំបន់ទេសចរណ៍ទូទាំំងប្រទេស ដើម្បីចងក្រងជាឯកសារផ្សព្វផ្សាយនៅលើវេបសាយ និងកម្មវិធីលើទូរសព្ទ (App)។
លោក ឈិត វណ្ណឫទ្ធិ ប្រធានដឹកនាំគម្រោងបានឲ្យដឹងថា ក្នុងបេសសកម្មរយៈពេលពីរឆ្នាំនេះ ក្រុមការងាររបស់រាជបណ្ឌិត្យសភា បានចុះប្រមូលទិន្នន័យពីតំបន់ទេសចរណ៍បានជាង ៨០០ កន្លែងក្នុង ២៣ ខេត្តក្រុង ដើម្បីចងក្រងជាឯកសារនៅលើវេបសាយនិងលើកម្មវិធីទូរសព្ទ ងាយស្រួលសម្រាប់ភ្ញៀវទេសចរជាតិនិងអន្តរជាតិអាចស្វែងរកតំបន់ទេសចរណ៍ដែលខ្លួនចង់ទៅកម្សាន្ត។
ការចុះសិក្សាស្រាវជ្រាវប្រមូលព័ត៌មានចងក្រងលម្អិតពីតំបន់ទេសចរណ៍នានា ក្រុមបច្ចេកទេសបានបង្កើតជាផែនទី Google maps បង្ហាញផ្លូវធ្វើដំណើរទៅកាន់គោលដៅទេសចរណ៍ទាំងនោះផងដែរ។
លោក ឈិត វណ្ណឫទ្ធិ បានឲ្យដឹងបន្តថា នៅឆ្នាំ ២០២៣ ក្រុមការងារនឹងបន្តចុះទៅខេត្តសៀមរាបនិងព្រះវិហារ ហើយបើតាមការប៉ាន់ស្មានខេត្តទាំងពីរនេះមានតំបន់ទេសចរណ៍ជាង ៤០០ កន្លែង ដើម្បីកត់ត្រាបញ្ចូលក្នុងទិន្នន័យបន្ថែមទៀត។
បើតាមលោកបណ្ឌិត ឈិត វណ្ណឫទ្ធិ ក្នុងដំណើរចុះស្រាវជ្រាវ ក៏ជួបបញ្ហាប្រឈមដោយសារតំបន់ទេសចរណ៍ខ្លះឆ្ងាយដាច់ស្រយាលគ្មានផ្លូវធ្វើដំណើរ និងការលំបាកមួយទៀតគឺការខ្វះការសហការពីអាជ្ញាធរមូលដ្ឋានជាដើម។
លោក លីម សេងឌី ប្រធានក្រុមបច្ចេកវិទ្យាព័ត៌មានបានឲ្យដឹងដែរថា ដំណើរបេសកកម្មនេះក្រុមការងារបានកំណត់គោលដៅតំបន់ទេសចរណ៍ ៧ ប្រភេទ ក្នុងនោះមាន ទីតាំងរដ្ឋបាលរាជធានីខេត្តនិងច្រកទ្វារអន្តរជាតិ ប្រាសាទបុរាណ រមណីយដ្ឋានវប្បធម៌ រមណីយដ្ឋានធម្មជាតិ រមណីយដ្ឋានកែច្នៃ បូជនីយដ្ឋានប្រល័យពូជសាសន៍ និងស្ថានីយបុរាណ ដោយប្រមូលទិន្នន័យ កូអរដោណេភូមិសាស្រ្ត ប្រភេទ រដូវកម្សាន្ត ចម្ងាយផ្លូវ ស្ថានភាពផ្លូវទៅកាន់គោលដៅ សេវាអាហារ សេវាស្នាក់នៅ សេវាសង្គ្រោះ និងព័ត៌មានទីតាំងទេសចរណ៍។
លោក លីម សេងឌីបានបញ្ជាក់ថា បច្ចុប្បន្នក្រុមបានចងក្រងឯកសារបាន ៥ ភាសាមាន ខ្មែរ អង់គ្លេស ចិន រុស្សី និងបារាំងសម្រាប់ប្រើប្រាស់នៅលើវេបសាយនិងក្នុងកម្មវិធីលើទូរសព្ទដៃ (App)។
លោក សុខ ទូច ប្រធានរាជបណ្ឌិត្យសភាកម្ពុជាបានបញ្ជាក់ដែរថា ការបង្កើតគម្រោងនេះឡើង ជាផ្នែកមួយដើម្បីចូលរួមជួយផ្សព្វផ្សាយពីសក្តានុពលទេសចរណ៍របស់ប្រទេសកម្ពុជាទាំង ២៥ ខេត្តក្រុង។
លោក សុខ ទូច ដែលបានចុះសិក្សាតាមប្រទេសមួយចំនួនដូចជានៅប្រទេសវៀតណាម ថៃ សិង្ហបុរី និងកូរ៉េ រំពឹងថា តាមរយៈគម្រោងនេះនឹងជួយផ្សព្វផ្សាយពីសក្តានុពលទេសចរណ៍ប្រទេសកម្ពុជាឲ្យបានទូលំទូលាយថែមទៀត និងកាត់បន្ថយជាអតិបរមាការបោកប្រាក់ពីអ្នកផ្តល់សេវាកម្ម ដែលកន្លងមកលោកសង្កេតឃើញមានករណីបោកប្រាស់លើអ្នកទេសចរ ដូចជាការនាំភ្ញៀវទេសចរទៅទិញផលិតផលគ្មានគុណភាព កុហកការធ្វើដំណើរជាដើមដែលនាំឲ្យប៉ះពាល់ដល់វិស័យទេសចរណ៍របស់ប្រទេសកម្ពុជា៕
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៤ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន