ព័ត៌មានអន្ដរជាតិ

អាមេរិក ចង់ឃើញ រុស្ស៊ី ចាញ់សង្គ្រាម អ៊ុយក្រែន

បានផុស

៣ years មុន

នៅ

ថ្ងៃសៅរ៍ ១១ មីនា ២០២៣

ដោយ

សមាជិកសភាមកពីគណបក្សប្រជាធិបតេយ្យលោក Seth Moulton ដែលជាអ្នកគាំទ្រដ៏រឹងមាំនៃជំនួយយោធាដល់អ៊ុយក្រែន បាននិយាយកាលពីថ្ងៃសុក្រថា សហរដ្ឋអាមេរិកចង់ឃើញ និងចង់ឲ្យរុស្ស៊ីចាញ់សង្គ្រាមនៅអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Moulton បាននិយាយនៅក្នុងកិច្ចសន្ទនាជាមួយបណ្ដាញសារព័ត៌មានមួយនៅវិទ្យាស្ថាន Hudson ថា “ខ្ញុំមិនដឹងថា តើវាល្អសម្រាប់ស្ថិរភាពពិភពលោកដែរឬយ៉ាងណាឡើយ ប្រសិនបើកងកម្លាំងរុស្ស៊ីដួលរលំ និងបរាជ័យក្នុងប្រតិបត្តិការសឹករបស់ខ្លួននៅអ៊ុយក្រែននោះ” ។

សមាជិកសភារូបនេះបានកត់សម្គាល់ទៀតថា “វាជាវិធីដ៏ចម្លែកមួយដែលយើងចង់ឲ្យអ៊ុយក្រែនឈ្នះ ហើយយើងចង់ឃើញរុស្ស៊ីចាញ់សង្គ្រាមនោះ ប៉ុន្តែទោះជាយ៉ាងណា យើងមិនចង់ឲ្យរុស្ស៊ីចាញ់ខ្លាំងពេកទេ ព្រោះអាមេរិកមិនចង់បំផ្លាញរុស្ស៊ីឡើយ” ។

ទន្ទឹមនោះ លោក Moulton ក៏បានរំឭកពីអតីតកាលផងដែរថា ពីការរួមបញ្ចូលរុស្ស៊ីជាមួយសហភាពសូវៀត ដែលត្រូវបានរំលាយនៅចុងឆ្នាំ ១៩៩១ ។ លោកបាននិយាយថា នៅពេលនោះ យើងមិនមានចេតនាបំផ្លាញសហភាពសូវៀត ឬរុស្ស៊ីឡើយ ។

ជាចុងក្រោយលោក Moulton ក៏បានអំពាវនាវឲ្យរដ្ឋបាលរបស់លោក Joe Biden បង្កើនការផ្គត់ផ្គង់គ្រាប់កាំភ្លើងធំ រថក្រោះ និងអាវុធវាយលុកផ្សេងទៀតដល់អ៊ុយក្រែន ដើម្បីបង្កើនសមត្ថភាពដល់រដ្ឋាភិបាលទីក្រុងកៀវសម្រាប់បន្តការវាយលុកប្រឆាំងនឹងកងកម្លាំងរុស្ស៊ី ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ចិន ស្រវាចាប់យកទំនាក់ទំនងជាមួយ រុស្ស៊ី ខណៈពិភពលោកកំពុងមានភាពច្របូកច្របល់

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា