ព័ត៌មានអន្ដរជាតិ

ចិន ស្រវាចាប់យកទំនាក់ទំនងជាមួយ រុស្ស៊ី ខណៈពិភពលោកកំពុងមានភាពច្របូកច្របល់

បានផុស

៣ years មុន

នៅ

ថ្ងៃសៅរ៍ ១១ មីនា ២០២៣

ដោយ

រដ្ឋមន្ត្រីការបរទេសចិនលោក Qin Gang បាននិយាយថា ប្រទេសចិនត្រូវតែជំរុញ និងស្រវាយកទំនាក់ទំនងរបស់ខ្លួនជាមួយរុស្ស៊ី ខណៈដែលពិភពលោកកាន់តែមានភាពច្របូកច្របល់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងទៅកាន់អ្នកសារព័ត៌មាននៅក្នុងសម័យប្រជុំសភាប្រចាំឆ្នាំនៅទីក្រុងប៉េកាំងកាលពេលថ្មីៗនេះ លោក Qin បាននិយាយថា ទំនាក់ទំនងជិតស្និទ្ធរវាងមេដឹកនាំទាំងពីរគឺលោកប្រធានាធិបតី Xi Jinping និងលោកប្រធានាធិបតី Vladimir Putin បានផ្តល់នូវមូលដ្ឋានគ្រឹះយ៉ាងរឹងមាំសម្រាប់ទំនាក់ទំនងចិន-រុស្ស៊ី ។

ទន្ទឹមនោះ លោក Qin ក៏បានការពារទំនាក់ទំនងមិត្តភាពជិតស្និទ្ធរវាងចិន និងរុស្ស៊ីដែលជាទំនាក់ទំនងមួយធ្វើឲ្យលោកខាងលិចឃ្លាំមើលយ៉ាងដិតដល់ ចាប់តាំងពីផ្ទុះសង្គ្រាមនៅអ៊ុយក្រែន ។ លោកបាននិយាយថា ទំនាក់ទំនងរវាងទីក្រុងប៉េកាំង និងក្រុងមូស្គូ “ជាគំរូសម្រាប់ទំនាក់ទំនងការបរទេសពិភពលោក” ។

លោករដ្ឋមន្ត្រីរូបនេះបញ្ជាក់ទៀតថា “នៅពេលប្រទេសចិន និងរុស្ស៊ីធ្វើការរួមគ្នា នោះពិភពលោកនឹងមានកម្លាំងជំរុញ ។ បន្ទាប់ពីនោះ ពិភពលោកនឹងមានស្ថិរភាពកាន់តែខ្លាំង ហើយវាក៏ជាកត្តាចាំបាច់សម្រាប់ចិន និងរុស្ស៊ី ក្នុងការជំរុញទំនាក់ទំនងរបស់ពួកគេជាលំដាប់ផងដែរ” ។

ជាចុងក្រោយលោកបានបន្ថែមថា “ទំនាក់ទំនងជិតស្និទ្ធដែលមានរវាងមេដឹកនាំនៃប្រទេសទាំងពីរ នឹងបង្កើតជាយុថ្កានៃទំនាក់ទំនង ក៏ដូចជាភាពជាដៃគូយុទ្ធសាស្ត្រ ហើយវាប្រាកដជានឹងរីកចម្រើន ជាពិសេសកាន់តែខ្លាំង និងរឹងមាំពីមួយកម្រិតទៅមួយកម្រិត” ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ នាយករដ្ឋមន្ត្រីថ្មី ចិន គឺជាសម្ព័ន្ធមិត្តជិតស្និទ្ធរបស់លោក Xi

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា