កំពូលតារាសម្តែង James Bond 007 នឹងចូលរួមសម្ពោធទីលានសុវត្ថិ​ភាព​នៅ​កម្ពុជា​

កំពូលតារាសម្តែង James Bond 007 (Daniel Craig) នឹងចូលរួមសម្ពោធទីលានសុវត្ថិភាព ដំបូងគេបង្អស់នៅក្នុងព្រះរាជាណាចក្រកម្ពុជា នៅថ្ងៃទី២២ ខែមករានេះ។ កម្មវិធីនេះ នឹងត្រូវ LIVE ផ្ទាល់នៅម៉ោង ០៧:៣០ ល្ងាចនៅលើគេហទំព័រ UNDP Cambodia នៅៃថ្ងទី២២ ខែមករា។ នេះបើតាម​ទំព័រហ្វេសបុក​​ផ្លូវការ​ UNDP ប្រចាំកម្ពុជា​។

ប្រភពដដែល​ឱ្យដឹង​ថា Daniel Craig គឺជាអ្នកស្វែងរកការគាំទ្រសកលរបស់អង្គការសហប្រជាជាតិសម្រាប់ការលុបបំបាត់គ្រាប់មីន និងសំណល់ជាតិផ្ទុះពីសង្គ្រាម។ គាត់នឹងចែករំលែកអំពីមូលហេតុដែលធ្វើឲ្យគាត់យកចិត្តទុកដាក់ខ្ពស់លើបញ្ហានេះ និងការធ្វើការរួមគ្នាជាមួយគាត់ក្នុងការបញ្ចប់បញ្ហាមួយនេះដែលនៅតែឆក់យកជីវិតប្រជាជនរាប់ពាន់នាក់ក្នុងមួយឆ្នាំ។